鍋牛

營業中

休息中

約舊同事聚會，呢幾日突然又轉涼，入夜秋風呼呼，嘆個火鍋暖笠笠，慢慢食慢慢傾。朋友帶我黎食過兩次，今次係第三次，都覺得水準維持到。先來個沙爹湯底 $88， 兩碟牛肉，手切牛大$298 ，金錢展 $298 新鮮，色澤肥瘦適中。沙嗲湯底真係好濃厚，沙嗲同花生醬發揮得很好 ，加個烏冬或者公仔麵真係完美。另外再加水餃子皇$48 脆肉鯇，非常新鮮爽脆，魚肉冇腥味，粟米，蔬菜。同老闆傾談之間知道他們堅持新鮮食材，湯底都係每日新鮮準備，可能天氣冷關係，當晚都幾多食客。