帝京軒

中學讀文學睇過一次《紅樓夢》咁大把，出嚟工作之後無再有時間睇埋那後半部，估唔到呢晚食飯基本上可以好似見老朋友咁重溫咗一次。多謝朋友介紹我食，原來佢都係紅樓夢嘅粉絲，完全感受到準備Menu嘅心機，相信愛文學嘅人，食呢餐飯一定食得好開心。之前帝京軒做過嘅好多個主題Menu都好令人覺得深刻，今次可以話係數一數二，可能細個覺得林黛玉葬花一幕太深刻，對呢本文學嘅巨著點都有啲私心。本來都想講吓每個唔同嘅菜式，不過我相信未必個個啱睇，我只能夠講呢個Menu好有心機準備充足，而且仲要好食，價錢仲要好超值，淨係睇都覺得開心。