蟹仙海鮮蒸氣石碢

營業中

休息中

再次到訪另一間蟹仙呢間既蒸海鮮的確有一定水準保證。揀左南非紅寶石孔雀鮑魚二人套餐一共十三款食物既套餐，有齊晒各種海鮮，龍蝦鮑魚蟹蝦生蠔元貝甲殼類。店家會安排由淡至濃食起，亦唔需要額外既調味，完全食到食材本身鮮味。加拿大野生虎蝦肉質彈牙，蝦頭有好香蝦膏味，但略嫌細隻。韓國釜山鰻魚，肉質厚實，店員提議點wasabi 豉油，幾有新鮮感。孔雀鮑魚係三頭，手掌咁大，鮑魚切片上，唔需要調味都食到甜味。野生膏仔蟹，如果當日好彩既，仲會有機會食到綠膏蟹。而膏仔蟹蟹膏非常多，蟹肉亦鮮美，岩晒鐘意食蟹既朋友。三款唔同既甲殼類，青口，刀貝蚌，蟹黃大元貝，每樣都食得出新鮮甜味。之後將全部海鮮既精華煮成粥底，鮮味十足。餐廳整體服務友善，唔需要自己郁手處理。海鮮整體發揮到水準。