神山麺屋 (新聲大廈) (已結業)

聽到神山開尖沙咀店，之前食過觀塘店既我一於去湊熱鬧。新店開係 iSQUARE 隔離既北京道，平時都人來人往，有新嘢就更加唔使講。店內空間不大，加埋新開張，相信之後都係要等位。尖沙咀店仲有限定沾麵 : 火山極盛豚肉沾汁麵，每日限量十碗。自己今日就無緣食到，不過見人地果碗原來大大碗，二人前份量，仲要成個富士山造型，相當吸睛。神山豚角沾汁麵沾麵湯同麵分開上，豬肉大大件，豬梅花肉表面烤至焦香，肥瘦均勻，入口鬆軟。自家特製坑紋麵同樣有特色，麵的中間有坑紋，掛湯能力再提升。沾汁係濃厚豚骨湯底，如果你當湯麵食可能會覺得鹹，沾麵嚟講絕對夠做。神山湯餃子沾麵以外的驚喜，驚喜不在於餃子，而是神山湯。神山湯鮮甜而不膩，餃子與湯融合度高，絕非一般吃到的湯餃子可媲美。神山炸雞雞皮香脆，雞肉juicy，醬汁開胃。嘢飲有地道既蘋果焙茶同白桃焙茶。