影片
更多
2023-10-04
443 瀏覽
之前食過太古分店，個pancake令人有啲失望🥲。今次再俾多次好抵，二人餐唔洗$400，有齊前菜、主食、甜品。二人餐 ($368)牛油果芝士AVOCADO CHEESE個賣相同我想像嘅差好好好好好好好遠🙈我心目中諗嘅係，好似蜜瓜parma ham咁，牛油果切成一件件，上面有一片芝士，或者好似蕃茄芝士咁，牛油果切片，中間夾住芝士，睇黎係我諗多咗🫠牛油果浸咗醋，上菜嘅時候賣相唔討好，香氣都唔討好，只係聞到好濃嘅酸味。牛油果本人係唔錯，芝士醬都係正常，不過咁嘅擺盤，令人唔太開胃。蟹肉沙律CRAB MEAT SALAD蟹肉鋪喺沙律菜面，每啖都食到蟹肉。沙律菜係用沙律醋混合，所以兩個充滿醋嘅前菜一齊上嘅時候，個酸味有啲震撼。深秋蟹膏意大利飯HAIRY CRAB PASTE SAUCE RISOTTO意大利飯個醬汁唔算太creamy，食落無平時啲意大利飯咁膩。味道都唔錯，食到有少少蕃茄醬嘅味。飯粒煮得粒粒分明，無稀爛，只係有啲中式feel 😅傳統卡邦尼意粉CARBONARA成個晚餐最安全嘅主食。意粉煮得岩岩好，口感有少少咬口。醬汁都正常，唔太咸，但好夠味。PHI X GODIVA 朱古力梳乎厘PH
二人餐 ($368)
牛油果芝士
AVOCADO CHEESE
個賣相同我想像嘅差好好好好好好好遠🙈
我心目中諗嘅係，好似蜜瓜parma ham咁，牛油果切成一件件，上面有一片芝士，或者好似蕃茄芝士咁，牛油果切片，中間夾住芝士，睇黎係我諗多咗🫠
牛油果浸咗醋，上菜嘅時候賣相唔討好，香氣都唔討好，只係聞到好濃嘅酸味。
牛油果本人係唔錯，芝士醬都係正常，不過咁嘅擺盤，令人唔太開胃。
蟹肉沙律
CRAB MEAT SALAD
蟹肉鋪喺沙律菜面，每啖都食到蟹肉。
沙律菜係用沙律醋混合，所以兩個充滿醋嘅前菜一齊上嘅時候，個酸味有啲震撼。
深秋蟹膏意大利飯
HAIRY CRAB PASTE SAUCE RISOTTO
意大利飯個醬汁唔算太creamy，食落無平時啲意大利飯咁膩。
味道都唔錯，食到有少少蕃茄醬嘅味。
飯粒煮得粒粒分明，無稀爛，只係有啲中式feel 😅
傳統卡邦尼意粉
CARBONARA
成個晚餐最安全嘅主食。
意粉煮得岩岩好，口感有少少咬口。
醬汁都正常，唔太咸，但好夠味。
PHI X GODIVA 朱古力梳乎厘
PHI WITH GODIVA CHOCOLATE SOUFFLE
二人餐甜品有幾款梳乎厘pancake可以揀，有士多啤梨、原味、朱古力，加錢可以升級揀芒果椰子 或者 白桃。
我哋揀咗朱古力梳乎厘，今次個pancake比起我喺太古食過嘅正常好多，起碼個pancake夠熟🥹
Pancake 旁邊個brownies都好好食，好濃朱古力味，仲有朱古力忌廉，朱古力脆脆，忌廉下面有雲尼拿雪糕，仲有一片朱古力，好好食。
二人餐本身無包飲品，但可以用優惠價升級加飲品。
我哋好趕時間，所以無加到，快快食完就走咗。
成個餐最滿意係個pancake，食完pancake好滿足😋
哩個二人餐真心抵，佢個menu同 banchan and cook 好似，menu畫風好似，又係有二人餐，配搭形式又差唔多，唔知係咪同一集團。
雖然個pancake拎返好多分，但我諗都會將哩間餐廳列入no next time系列 😅
不過餐廳人唔多，由入座到埋單，成間餐廳都唔過10個人。
想有位，想快食，唔想食太貴，都可以試下。
張貼
