南坊

營業中

休息中

昨晚家庭聚會，為確保食物質素及出入平安，即刻想起數碼港艾美酒店三樓的「南坊」。頭盤叫了「蒜片牛柳粒」「招牌黑毛豬义燒」及不能少的「片皮鴨」，牛柳粒肉質鮮嫩，黑毛豬义燒，香味濃郁，燒得剛剛好，我喜歡有少少肥的部分，格外香口，片皮鴨保持一貫水準，尤其塊蛋皮，真正做到皮薄，暫時未有其他食店做得比佢更好。跟著飲咗個「羊肚菌花腸螺頭湯」，鮮甜美味，材料十足。到主菜，必然一定有我念念不忘的「牛肋條」，亦叫咗「鮮露荀百合炒帶子」、「上湯大虎花蝦脆米粉底」、「咕嚕肉」及「蒜香真菌炒菜苗」，牛肋條簡直好味到停唔到口，牛味足，肉質好，另外值得一提的是米粉底大虎花蝦，這個米粉好味過大虎蝦，跟著「海龍皇泡鴛鴦西施飯」，龍蝦湯底配以海鮮，然後將炸米傾入湯內，成為泡飯，非常非常好味，無論海鮮或炸米及至湯底，配合得宜，真的缺一不可。飯後甜品是「西瓜西米露」「招牌黑白芝麻卷」及「爆炸大良脆奶餅」，西瓜甜，芝麻卷簡直稀有，爆炸餅，令人回味到兒時的爆炸糖。又一次令我流連忘返於南坊的食物中！