兩合海鮮火鍋飯店

營業中

休息中

同Honey兩個人又再去兩合食晚飯，今次反而晏過上次去，不過好彩唔駛等位。雖然唔駛等位，但係都依然好多人幫襯。 薑蔥炒黑柏葉($45) --- 以前食親都係白灼，今次見兩合有薑蔥炒，所以決定叫嚟一試。 可能好耐冇食過黑柏葉，所以我覺得好好味，原來用薑蔥炒仲香添。好正... 椒鹽鮮魷($45) --- 呢個係Honey指定要食嘅。好彩炸得唔太燶，啱啱好，如果唔係個喉嚨會好辛苦囉。GooD... 乾炒牛河($30) --- 呢個上回嚟都有食，今次當然係走唔甩啦！ Xo醬炒時蔬($42) --- 我地揀咗炒芥蘭苗。個Xo醬好好味，而且啲蝦乾仔仲好惹味添，呢碟餸大半碟都係由我包辦嘅... 哈哈 是夜我倆坐近出餸位，眼見最多人叫鵝腸，其次係椒鹽鮮魷同埋椒鹽九肚魚食，下次一定要叫個鵝腸嚟食至得。