影片
更多
2021-04-21
385 瀏覽
小編今日lunch黎呢度試，因為睇左每日一蘋果報導，話呢度竹昇麵係家傳既，反正銅鑼灣食竹昇麵唔多選擇，睇下水準如何。又一次冇期望冇傷害，麵質👌🏽彈牙既但好出色又唔覺得係因為冇乜蛋香味。點左薑蔥蝦子撈，薑蔥有用豉油熟油泡過味道幾好，但個蝦子一d都唔香，唔突出。最痴線既都係個小食、炸鯪魚球，6粒索價60蚊，即係10蚊一粒、媲美酒店價錢，但完全唔覺得寧舍不同，係食到有幾重既果皮味既，唔知係咪用左陳年果皮所以咁貴？最最最弊既係衛生常識極度差，竟然可以大開中門個廁所仲要對正正食客即係我啦，仲要唔蓋埋個廁所板，拿小編我有圖有真相呀，冇屈佢既對於麵舖黎講，小編認為辣椒油係第二靈魂，可惜呢度既辣椒油差過超市買，食得出應該係李x記掛總括而言，如果淨係食碗單拼撈50蚊、以銅鑼灣黎講係抵既但我一個女子一碗麵都食唔飽，食埋個天價小食剛剛好（小食仲要貴過碗麵）如果大食人士當去試下唔好打算食飽。對於小食貴過碗麵小編仍然覺得。。。好唔安樂
又一次冇期望冇傷害，麵質👌🏽彈牙既但好出色又唔覺得係因為冇乜蛋香味。點左薑蔥蝦子撈，薑蔥有用豉油熟油泡過味道幾好，但個蝦子一d都唔香，唔突出。最痴線既都係個小食、炸鯪魚球，6粒索價60蚊，即係10蚊一粒、媲美酒店價錢，但完全唔覺得寧舍不同，係食到有幾重既果皮味既，唔知係咪用左陳年果皮所以咁貴？
最最最弊既係衛生常識極度差，竟然可以大開中門個廁所仲要對正正食客即係我啦，仲要唔蓋埋個廁所板，拿小編我有圖有真相呀，冇屈佢既
對於麵舖黎講，小編認為辣椒油係第二靈魂，可惜呢度既辣椒油差過超市買，食得出應該係李x記掛
總括而言，如果淨係食碗單拼撈50蚊、以銅鑼灣黎講係抵既但我一個女子一碗麵都食唔飽，食埋個天價小食剛剛好（小食仲要貴過碗麵）如果大食人士當去試下唔好打算食飽。
對於小食貴過碗麵小編仍然覺得。。。好唔安樂
薑蔥蝦子撈
$58
12 瀏覽
0 讚好
0 留言
炸鯪魚球
$60
10 瀏覽
0 讚好
0 留言
張貼
