nana's green tea

營業中

休息中

最近都多咗喺啟德airside食飯，不過次次都見nana's green tea好多人排隊，好彩今日朋友預早幫我攞定位等我收工，所以一嚟到就即刻有得入座，真係勁幸福！冷豆乳擔擔烏冬係一個fusion菜，我本身都好鍾意食擔擔麵，但係就唔係太鍾意傳統擔擔麵嘅口感，呢度竟然有得食擔擔面烏冬，當然一定要叫啦，湯底味道幾好，微微辣味，幾好食！另外就要左海老蕃茄豆乳烏冬，呢個真係爆好食，係我食過前三位好食嘅udon，口感超chewy，sauce有濃濃嘅蝦味，加埋甜甜酸酸嘅番茄真係一流！終於到甜品啦，叫咗我期待已久嘅焙茶芭菲 配白玉，一上枱已經覺得好吸引，立刻打卡同朋友happy share。但係見到佢個季節限定嘅櫻花糰子軟雪糕都好吸引，店員仲話佢係鹹㗎喎，真係勁特別，就決定叫埋，最後真係冇失望，cone好脆，雪糕好creamy，dango無敵chewy，雪糕雖然係鹹，但係絕對冇奇怪嘅感覺，反而覺得幾清新。飲品方面就叫咗冷泡宇治煎茶同抹茶牛奶忌廉黑蜜，煎茶絕對冇苦味，好順滑。抹茶牛奶個balance好好，有牛奶香味之餘，茶味道都好濃郁。