裕一品四川雲南米線

營業中

休息中

食了近十年譚仔，由三哥未分家前巳幫襯，無它，只因佢在我心目中還未遇到對手，以往甚麼雲桂川、巴蜀、景霖、金源、新富盈等全部唔入流，直到上星期偶然在長沙灣碰到「裕一品」，無論口味，賣相，件頭都一模一樣，重以為譚仔又再分家，細問之下，老細話佢哋係元祖級，開分店時譚仔重未上位，結果我一星期食了三次。頭兩次都係兩餸米線大辣，黑百頁加雞肉或黑百頁加竹笙，点解叫黑百頁？因為第二家無，而且黑百葉來貨貴，但喺呢度加4蚊就有。可惜第三次就玩完，啲伙記話近排都無貨返，可惜，可惜。今次叫了雞肉豬皮大辣，味度点？咪同譚仔一樣囉，但就平啲，麻辣又唔洗加錢，又唔會多人。