影片
更多
2020-04-18
507 瀏覽
去銅鑼灣真係好少去希雲街嗰邊搵食，之前係九龍灣經過個呢間餐廳既分店，感覺好似唔錯，上網search發現原來銅鑼灣都有分店，就一心想去開嗰頭試下🙈 餐廳唔算好易搵，因為門口都比較細，我地行過都miss左一次😂入到去見到佢將啲位間開曬一格格，雖然冇平時咁好feel，但係抗疫時期就冇辦法啦🤔入到去第一個感覺就係樓底真係好高，裝修好有feel，好似真係去左歐洲既酒館咁😂非常有特色，食野都開心啲😍頭盤我地叫左個 crab tian 蟹肉千層，佢配左啲脆既麵包比你將啲蟹肉放係上面一齊食。呢個頭盤感覺好清新，蟹肉既味道雖然唔算好鮮甜，但係起碼唔會腥，加埋牛油果醬同番茄感覺幾開胃。份量比想像中多，兩個人share一個頭盤就岩岩好😃跟住就輪到主角出場，就係呢間餐廳既招牌菜比利時青口😙佢有幾款唔同既口味可以揀，我地就揀左白酒煮青口。一鍋既青口其實份量都唔少，再配埋薯條同麵包其實真係要share食先食得曬😂首先要講下佢啲薯條😂好好食！！炸得岩岩好，鬆脆香口，薯仔既味道比較勁，加上唔會太粉，一啲都唔覺得肥🙈同一般快餐嗰啲薯條簡直冇得比！講返青口，佢係用南澳既青口，食落爽脆，應該都幾新鮮。最重要係佢冇腥味，老實
頭盤我地叫左個 crab tian 蟹肉千層，佢配左啲脆既麵包比你將啲蟹肉放係上面一齊食。呢個頭盤感覺好清新，蟹肉既味道雖然唔算好鮮甜，但係起碼唔會腥，加埋牛油果醬同番茄感覺幾開胃。份量比想像中多，兩個人share一個頭盤就岩岩好😃
跟住就輪到主角出場，就係呢間餐廳既招牌菜比利時青口😙佢有幾款唔同既口味可以揀，我地就揀左白酒煮青口。一鍋既青口其實份量都唔少，再配埋薯條同麵包其實真係要share食先食得曬😂首先要講下佢啲薯條😂好好食！！炸得岩岩好，鬆脆香口，薯仔既味道比較勁，加上唔會太粉，一啲都唔覺得肥🙈同一般快餐嗰啲薯條簡直冇得比！講返青口，佢係用南澳既青口，食落爽脆，應該都幾新鮮。最重要係佢冇腥味，老實講，係香港要食到唔腥既青口真係唔易😂呢點絕對值得加分。味道方面，我地因為係叫白酒味，所以比較清，可能會令到啲青口更加甜。佢仲連埋好多洋蔥一齊煮，所以味道真係好鮮甜。
之後再黎一個main，因為男朋友鐘意食羊，所以我地叫左個羊架。一如以往，羊架既份量都好多，有成5大舊，又係要share食先得。味道方面就不過不失，羊味唔算好重，不過都幾香口。比較特別係佢配左個南瓜溶做既醬，食落會令個羊架冇咁膩，不過我個人就覺得呢個combination唔算好夾，如果南瓜分開做side可能會好啲。想食靚既羊架都係去返扒房食會好啲。
總括黎講，呢間餐廳環境真係好靚好有feel，好適個傾計飲野。野食既份量偏大，主要都係比人share為主。價錢就有啲偏貴，成餐飯食左$830，三樣野食加一杯野飲。但係想搵個環境好既地方傾下計飲下野既，或者想食高質既青口，都係一個唔錯既選擇黎。
張貼
