影片
更多
2013-03-29
14 瀏覽
其實我黎過呢間食唔止一次啦，我諗應該都有四至五次。真係唔好意思，我次次都淨係食佢地個蔬菜咖哩飯(既唔捨得唔叫呢個，又唔捨得加$$加其他配料，所以食黎食去都係佢)其實佢地既蔬菜冇咩特別，我諗都係煮熟佢就放落D咖哩到就OK。只要薯仔夠粉、紅蘿蔔個D夠甜就OK。所以，最緊要都係個咖哩汁。我試過佢唔同既辣度，分別係3、4同5。我唔知我算唔算食得辣，但係我覺得3只係一般辣，4或者5就比較岩我。同埋我唔知有冇錯，我覺得佢咖哩既辣度同濃稠度係成正比既。因為我有次食5辣既時候，個咖哩汁係結到成PAT野咁，其他辣度既咖哩汁就會相對地稀D，冇咁結。或者有D人覺得COCO既咖哩冇咩層次，一味得個辣。但係唔知點解我又鍾意佢呢隻辣喎(或者我都係一個冇層次既人)，所以我覺得佢既咖哩係OK既。雖然係咁，我覺得佢都可以有一D改進既地方。我試過有次食既時候，個咖哩汁同個飯都係凍既！(個時係假日既午市，雖未算多人，但亦未至於冇人)我覺得咩飯都好，只要佢唔熱其實就會變得好難食。仲有就係佢D薯仔有時好似煲得唔夠耐，有時會有D實，好似仲有少少生既感覺。講真，佢一個咖哩飯最少都要50蚊，而且D料又唔係多(最多就係飯)對我黎講係貴
真係唔好意思，我次次都淨係食佢地個蔬菜咖哩飯(既唔捨得唔叫呢個，又唔捨得加$$加其他配料，所以食黎食去都係佢)
其實佢地既蔬菜冇咩特別，我諗都係煮熟佢就放落D咖哩到就OK。只要薯仔夠粉、紅蘿蔔個D夠甜就OK。所以，最緊要都係個咖哩汁。我試過佢唔同既辣度，分別係3、4同5。我唔知我算唔算食得辣，但係我覺得3只係一般辣，4或者5就比較岩我。同埋我唔知有冇錯，我覺得佢咖哩既辣度同濃稠度係成正比既。因為我有次食5辣既時候，個咖哩汁係結到成PAT野咁，其他辣度既咖哩汁就會相對地稀D，冇咁結。
或者有D人覺得COCO既咖哩冇咩層次，一味得個辣。但係唔知點解我又鍾意佢呢隻辣喎(或者我都係一個冇層次既人)，所以我覺得佢既咖哩係OK既。
雖然係咁，我覺得佢都可以有一D改進既地方。
我試過有次食既時候，個咖哩汁同個飯都係凍既！(個時係假日既午市，雖未算多人，但亦未至於冇人)我覺得咩飯都好，只要佢唔熱其實就會變得好難食。
仲有就係佢D薯仔有時好似煲得唔夠耐，有時會有D實，好似仲有少少生既感覺。
講真，佢一個咖哩飯最少都要50蚊，而且D料又唔係多(最多就係飯)對我黎講係貴左D，亦係其中一個我唔常食既原因。或者有人話去超級市場買D咖哩磚都係咁既味，自己煮仲好。不過我屋企人又唔多食，想食咖哩既時候就會諗起佢。間唔中一次半次都OK既，有時都要對自己好D(但係最近我個間都係尖沙咀，佢幾時先會入侵新界呀)
題外話/補充資料：
一、佢枱面盅漬物幾好食，酸酸地甜甜地幾開胃，我次次都食左佢大半盅@@
二、佢除左飯量有得計之外，原來連D送料都有得計=口=我發覺我次次叫蔬菜咖哩飯，佢都係有五粒薯仔、三粒紅蘿蔔、三條仔豆角同少少洋蔥條。之後我睇返佢鋪出面個模型同MENU上既相，佢顯示出黎既蔬菜咖哩飯都係有五粒薯仔、三粒紅蘿蔔、三條仔豆角同少少洋蔥條...(嗯...係咪日本人既認真呢...?)
三、我試過有次埋單既時候，個侍應企係我隔離等我，睇住我拎錢找數...雖然我知佢冇惡意，但係就覺得佢好似係到催我埋單，感覺唔係幾好囉...
(以上食評乃用戶個人意見 , 並不代表OpenRice之觀點。)
張貼
