金島快餐

營業中

休息中

今日同同事嚟開呢頭做嘢，到中午時間入咗呢間舊式茶餐廳食晏。 餐廳環境就麻麻哋，不過人流勁多， 點餐方式好似快餐店咁，喺收銀處叫完就拎個牌坐低等侍應送食物。我叫咗焗牛腩飯， 醬汁好足料，食到最後都可以有足夠醬汁撈飯，牛腩夠哂淋，但如果數量多啲會開心啲， 飯係炒飯底， 整體嚟講好好味。同事叫咗豬扒炒烏冬，普通豉油汁，但勝在豬扒夠肥美夠哂淋，豬扒真係有豬肉味，唔似用化學嘢醃到冇哂肉味。最後我哋叫多個薯條西多士一齊食， 最正係波浪薯條夠熱夠脆，西多士都好有水準。如果嚟開美景可以一試。