北京樓 (新都會廣場)

營業中

休息中

首先想講，炒飯好足料，帶子唔係切到碎粒去炒飯，係圓片咁落去炒！成件事就係好滿足，同埋佢唔會太鹹太油！所以$118係值呢個價。另外就係狗不理包子，即叫即蒸，所以其實都幾新鮮，感覺上有啲似放大版嘅小籠包，包個皮好好食，唔太厚，但係入邊就冇汁流出嚟，唔使擔心會食到辣親個咀。我個人比較鍾意佢個旦白杏仁茶。第一下放隻匙羹入去嘅時候就好似食緊雙皮奶咁，清香幼滑。我本身唔鍾意飲杏仁霜，但係呢個真係可以，唔會太甜亦冇杏霜既怪味。鴛鴦包既豆沙同蓮蓉餡都好幼滑，作為甜點份量好好。