White Hse. (已結業)

一直俾佢嘅花花牆所吸引，今日終於嚟到打卡啦！！！正值下午茶時分，餐廳人流唔算好多來自地獄的意粉意粉炒得乾身，配上濃郁嘅蕃茄辣醬，少少肉碎、煙肉粒食落份外香口，辣度有後勁，碟上都明顯見到辣椒🌶️，雖然整體偏鹹了一點，但都無助小編整碟K.O.紫醉金迷一上枱，被佢嘅外觀同擺碟深深吸引住，餐廳用上新鮮紫椰菜打碎與幼滑忌廉一齊煮嘅意大利飯，食落軟綿，奶香頗重，而且米飯亦都加上蘑菇一齊去烹調，食完完全無好膩好滯肚嘅感覺。原隻香草蒜蓉烤大蝦灑上金箔，拆肉時更拉出長長芝士，肉質亦算彈牙！做到打卡與味道一致的效果～碟豆花綠茶顏色非常夢幻，沉底嘅深藍色配以被燈光映成橘紅色的面層，攪勻一下變成高貴嘅淡紫，飲落清新。玫瑰花釀紅茶清清淡淡嘅玫瑰花香徘徊於口腔中，記住要攪勻底部的玫瑰花蜜，頗為解渴。