影片
更多
2008-06-11
51 瀏覽
** 此 食 肆 的 第 三 個 OK **尋晚(10-6-2008 Tue)晚,全家人探完入院o既媽媽o黎一餐晚飯,又咁o岩係姪女o既生日,由佢決定食咩啦.佢答想鋸扖,大嫂就決定o黎歌德.8點左右到o黎,唔多人,但有煙味.我o地7個人左諗右諗,要o左6個餐.爸好少食西餐,又怕佢唔夠飽,於是為佢揀o左個B餐有豬扖,牛肋骨,青魚.飲忌廉湯.而我要o左個比目魚.由於冇乜心情,唔多理佢o地叫咩餐喇.先o黎三個湯三個蒜蓉包,原來佢o地叫o左兩個忌廉湯,四個羅宋湯,但飲羅宋湯o既人唔多,攪咩?爸一向唔太好酸o野,所以一定要畀忌廉湯佢,大嫂飲一淡羅宋湯話辣,於是我同佢對調,我飲落又冇o野啊,都唔辣,只係酸酸地.但蒜蓉包就唔係好掂,又凍又淰.之後另外三個湯都到o黎,侍應話欠三個包遲啲到.然後有5個什菜沙律,其實我畀家人攪到亂晒,究竟叫o左幾多個餐?點解好似有啲o野唔夠咁.什菜幾新鮮,而且自己加沙律汁.之後,晚餐都逐一o黎到,原來個個都係鐵板餐,有一隻焗帶子,而最肚餓o既爸爸個餐竟然重未到,我o地催一催個侍應,侍應轉頭返o黎話我o地知整o緊,好快.我先畀啲比目魚爸爸,而二嫂都畀啲意粉佢.比目魚份量唔太
尋晚(10-6-2008 Tue)晚,全家人探完入院o既媽媽o黎一餐晚飯,又咁o岩係姪女o既生日,由佢決定食咩啦.佢答想鋸扖,大嫂就決定o黎歌德.
8點左右到o黎,唔多人,但有煙味.我o地7個人左諗右諗,要o左6個餐.爸好少食西餐,又怕佢唔夠飽,於是為佢揀o左個B餐有豬扖,牛肋骨,青魚.飲忌廉湯.
而我要o左個比目魚.由於冇乜心情,唔多理佢o地叫咩餐喇.
先o黎三個湯三個蒜蓉包,原來佢o地叫o左兩個忌廉湯,四個羅宋湯,但飲羅宋湯o既人唔多,攪咩?爸一向唔太好酸o野,所以一定要畀忌廉湯佢,大嫂飲一淡羅宋湯話辣,於是我同佢對調,我飲落又冇o野啊,都唔辣,只係酸酸地.但蒜蓉包就唔係好掂,又凍又淰.
之後另外三個湯都到o黎,侍應話欠三個包遲啲到.
然後有5個什菜沙律,其實我畀家人攪到亂晒,究竟叫o左幾多個餐?點解好似有啲o野唔夠咁.什菜幾新鮮,而且自己加沙律汁.
之後,晚餐都逐一o黎到,原來個個都係鐵板餐,有一隻焗帶子,而最肚餓o既爸爸個餐竟然重未到,我o地催一催個侍應,侍應轉頭返o黎話我o地知整o緊,好快.
我先畀啲比目魚爸爸,而二嫂都畀啲意粉佢.比目魚份量唔太少,味道都OK.但什菜薯餅唔多得,又散,味道又怪怪咁
好耐,爸爸o既餐都到o黎,原來佢呢個唔係鐵板餐,不過我臭到幾香,爸見到話食唔晒,分啲畀二哥佢o地食,佢食o左成件魚,話好’鞋’,牛肋骨都有兩件,佢食o左一件細o既,豬扖都幾大塊,我幫佢將半件切成粒,另一半就交畀二嫂佢o地消滅.我都試一件,好腍喎,而且似係燒豬扖,好惹味.
除此之外,姪女叫o左洋蔥圈,有兩個醬畀我o地蘸, 洋蔥圈炸都黑黑實實咁.我都試吓,唔蘸醬先,咦?!咁似油炸鬼o既?大嫂話粉厚囉.之後蘸白色o既沙律醬,咦?!唔係沙律醬o黎o既?係滑滑o既奶油,一般.之後蘸千島汁,咁就正常喇.
最後送上係鐵板餐至有o既餐飲同甜品.甜品係蜜瓜布甸,由於係凍o野,爸爸唔食,所以我o地食o左,一般的.
埋單$569.00.
服務:
整體上OK,爸爸要熱水佢o地亦會記得.
而我o地走o左過o左馬路,有個似高級侍應追上o黎,問我o地係咪漏o左把扇,啊,原來係爸爸漏低.佢真係好好人,為不值一文o既物件跑樓梯追到o黎,真係唔錯.
環境:
呢o度真係重畀人吸煙,有一枱3個人o既客吸煙.
一直播放住英文歌,一路臭住淡淡o既煙味,此情此景令我覺得好熟悉.
其他:
枱上早已擺o左細碟,方便客人如想share食物就可以用,唔錯.
呢日幾矛盾,姪女生日,但媽媽又再度入院.
張貼