Kimchi Korean Fusion

營業中

休息中

今晚即興同朋友去「韓國街」搵間餐廳食韓國野，見到呢間都有人坐，而且仲有位，價錢又唔冀，於是就入咗去。上網睇下有咩推薦食物時，見到嘅評語麻麻，開頭都有啲擔心，但睇鄰座食緊又無問題吖，於是唔理啦，兩個人叫3樣野食試吓。前菜係麻麻。首先係別人評語話無味嘅《 人蔘雞湯 $148 》唔係喎，幾濃味，仲有原隻雞去煲，幾好味我地飲晒。另一別人評語話無味嘅《 韓式炒粉絲 配牛肉$98 （配素菜$78；雞肉$88） 》 都唔係喎，夠味又多料，炒粉絲底下有多片牛肉。《 韓式炒年糕 $88 》呢個眼睇都覺濃味，夠晒韓式辣醬味，不過年糕無煙韌口感，不過魚糕片好味。整體嚟講真係無其他評語咁差。