翠華餐廳 (欣榮商場)

營業中

休息中

昨天打了今年的一個十號風球，因此多了一天假期，在家休息了一天，可能因為咁，今天早上起床得特別早，醒咗又肚餓，當然要吃早餐，六點可以去邊度食，最近只有翠華，因為它五點五十分已經可以入去坐。這裡有幾種早餐，不過我食來食去都係B餐，包括有牛油豬仔、沙爹牛肉麵、煎無公害雞蛋，凍咖啡另加$3，共$38。牛油豬仔，外皮好脆，只係牛油少D，雞蛋本來係炒蛋，不過我改了煎雙蛋，賣相都幾差，不過好有雞蛋味。沙爹牛肉麵，沙爹味只在牛肉，個湯只有些少許沙爹味，牛肉都幾淋身，至於麵質就比較硬，我喜歡浸一、兩分鐘先食，因爲我會先加入辣椒油，咁麵就可以吸收D湯，仲會好味些。我喜歡這裡的凍咖啡，因為會有些咖啡粉在冰上面，不過今次太多忌廉，咖啡味無乜，好彩可以換返。呢度辣椒油都幾辣，唔好加咁多。