影片
更多
2023-07-11
258 瀏覽
高質肉食到飽究竟係一種點樣嘅神奇體驗？我就體會到了，只要個肚裝得落就可以盡情食，仲使乜小心翼翼咁點肉食喎😋 講緊嘅係「馬祖無限時台灣養生涮涮鍋」推出嘅台灣養生涮涮鍋吃到飽套餐！每款套餐都係全品種不限量直接送上枱，亦根據時段及肉嘅種類分咗幾種價位～對自己好啲，一於揀個最完滿嘅套餐🫡🔊🔊🔊六種頂級靚肉任食——————極上Prime Grade霜降牛小排美國SRF極黑和牛肩脊肉極級Prime Grade安格斯牛頸脊西班牙伊比利亞黑毛豬Prime Grade美國安格斯牛肉西班牙無激素雞豬肉片—————— 享受味蕾極致饗宴🥩Prime Grade 為食用牛肉嘅最高級別，以「極上Prime Grade霜降牛小排」為例，擁有美妙迷人嘅大理石花紋，(對於肉食控係永遠唔會出現審美疲勞嘅😉) 霜降牛小排油脂分布均勻，肉質柔軟甘甜；而「極級Prime Grade安格斯牛頸脊」脂肪較少且肉質帶嚼勁，肉感較重而富牛香！係普通肥牛片無辦法媲美嘅鮮味口感～套餐提供嘅肉類太優質了，建議品嚐第一塊時唔好點醬汁，感受本身嘅香濃肉味，之後先根據喜好點上醬汁食用！另外入座會先送上金黃地瓜條✨按個人喜好可添加唔同口味調味粉食，
高質肉食到飽究竟係一種點樣嘅神奇體驗？我就體會到了，只要個肚裝得落就可以盡情食，仲使乜小心翼翼咁點肉食喎😋 講緊嘅係「馬祖無限時台灣養生涮涮鍋」推出嘅台灣養生涮涮鍋吃到飽套餐！每款套餐都係全品種不限量直接送上枱，亦根據時段及肉嘅種類分咗幾種價位～對自己好啲，一於揀個最完滿嘅套餐🫡
🔊🔊🔊六種頂級靚肉任食——————
極上Prime Grade霜降牛小排
美國SRF極黑和牛肩脊肉
極級Prime Grade安格斯牛頸脊
西班牙伊比利亞黑毛豬
Prime Grade美國安格斯牛肉
西班牙無激素雞豬肉片
—————— 享受味蕾極致饗宴🥩
Prime Grade 為食用牛肉嘅最高級別，以「極上Prime Grade霜降牛小排」為例，擁有美妙迷人嘅大理石花紋，(對於肉食控係永遠唔會出現審美疲勞嘅😉) 霜降牛小排油脂分布均勻，肉質柔軟甘甜；而「極級Prime Grade安格斯牛頸脊」脂肪較少且肉質帶嚼勁，肉感較重而富牛香！係普通肥牛片無辦法媲美嘅鮮味口感～套餐提供嘅肉類太優質了，建議品嚐第一塊時唔好點醬汁，感受本身嘅香濃肉味，之後先根據喜好點上醬汁食用！
另外入座會先送上金黃地瓜條✨按個人喜好可添加唔同口味調味粉食，當日提供4款口味Shake Shake粉，分別係麻辣粉、蕃茄粉、甘梅粉同海苔粉～ 地瓜條內裏綿密細緻，外面酥脆可口，一啖咬落去，shake shake味粉瞬間釋放，配上香甜綿糯地瓜，超級好食💯
🔊🔊🔊湯底：
涮涮鍋湯底分咗好幾類，分別係養生系列、田園番茄系列、臺灣麻辣田園番茄系列、臺灣麻辣系列、以及特色涮涮鍋，如爆漿熔岩芫茜豆腐鍋以及日本壽喜燒～我哋揀咗藥膳沙茶雞肉涮涮鍋，藥膳湯底材料包括當歸、北芪、紅棗、杞子、桂圓同黨蔘；剛入口係沙茶醬濃郁嘅口感，然後會滲出食材嘅本味混合住藥材嘅香氣～
🔊🔊🔊配料：
精選肉類、炸物類、手工配料類、海鮮類、火鍋配料類、麵類、蔬菜類
精選肉類有沙茶牛肉、爽滑豬肚、雞肶肉、牛柏葉、滷水豬大腸、豬耳、雞腎；炸物類有炸魚皮同響鈴卷；手工配料類有各式手打魚漿及手打丸，例如手工墨魚滑、手工黑松露墨魚丸；仲有自家制嘅水餃，例如白菜豬肉餃及蟲草花香菇雞肉餃等；海鮮類有海蝦、鯇魚、白鱔、魚雲、花膠、帆立貝同深海魚柳等；火鍋配料類有好多特別丸子類，例如芥末魚丸、金沙魚蛋、濃芝豆腐燒、甜不辣、米血糕，足8吋長嘅蟹棒等等；麵類亦有稻庭烏冬、出前一丁、自家製臺灣手工拉麵、韓國部隊鍋麵同淮山麵；蔬菜類方面亦都不遑多讓，臺灣凍豆腐、黑木耳、羽衣甘藍、蟲草花等等！雖然肉類及湯底係主角，但都睇得出配料選擇係一絲不苟，幾十款火鍋配料可以QR code落單無限追加🤟(呢度舉例嘅都只係冰山一角，現場眼見款式多到眼都花埋) 另外手機落單後好快就上菜，湯底都未煮滾張枱就已經擺滿曬，仲要一份一份咁上枱，十分衛生～
🔊🔊🔊推介類別：
———各式手打丸！經過親手千錘百敲打出最自然嘅美味，由外觀到口感都感受到手打痕跡，有筋度又有彈性，每一粒丸都係實打實嘅肉，仲有肉汁咇出嚟～
———羽衣甘藍！喺咕嚕咕嚕嘅火鍋入面蓋一片清香嘅羽衣甘藍，蔬菜嘅香味瞬間蓋住油膩，而且完全無任何苦澀口感，即使喺滾燙湯底入面都仍然無丟失色香味，依然都係翠綠咁鮮嫩，咁就唔怕會錯過佢嘅「賞味期限」喇～
———白鱔片！雪白鱔片灼熟後充滿彈性，配合沙爹湯底，更能帶出鮮甜嘅鱔香。
🔊🔊🔊飲品：
有多款自家製冷泡茶、汽水、罐裝及盒裝飲品等，一樣係無限暢飲，我哋揀咗佢哋嘅自家製飲品，貪佢清熱潤喉，為熱燙火鍋降下溫🔥
「黑糖冬瓜檸檬茶」
冬瓜茶本身係清爽偏甜嘅味道，加咗檸檬後能中和咗黑糖嘅甜度、清爽加倍，又兼顧到冬瓜茶解暑嘅屬性！
「愛文芒果茉莉花茶」
飲落健康無負擔，酸酸甜甜好解膩！愛文芒果同香氣超濃郁嘅嘅茉莉花茶簡直係神仙組合，入口就係芒果嘅果香，然後係茉莉花茶嘅回甘，推介～
**最後每人包一款甜品，有Haagen Daz/Movenpick雪糕，仲有KitKat脆皮雪糕批😋為一餐畫上完美句號。
🥢馬祖無限時台灣養生涮涮鍋
「馬祖無限時台灣養生涮涮鍋」打破時間界限，令顧客可以喺一個舒服嘅空間內盡情享受難以抗拒嘅美味火鍋，而且唔使擔心金錢同時又嘅限制，無限暢飲暢食更自在又唔會俾人趕，呢份隨心所欲更有滿足感👀 所以好適合同朋友嚟聚餐，食得慢都唔怕～
張貼
