家上海 (東港城)

營業中

休息中

今日又係八號風球，朋友比平日早咗少少收工，而我就一早收咗工，喺東港城搵緊有咩食。見到呢間開咗無耐之前日日都排晒隊嘅上海菜無咩人，就食呢間啦。食物都唔錯，有少少偏重味，坐都幾舒適，咁啱又少人。淮楊五福拼盤。醉雞，四喜烤麩，官肴肉呢三樣幾好味。燻魚太甜，紅哲頭有啲硬，唔係爽脆。松鼠桂魚，賣相幾好，魚肉新鮮又唔會炸得太乾，個汁唔會太燶味。紅燒小元蹄，好耐無食過，做得唔錯，入口唔會漏。上海粗抄，唔會食到成口油。流沙奶黃千層酥(三件)，呢個普通，甜咗啲。