影片
更多
2023-12-05
10 瀏覽
門口有位泊車，落車就俾呢間木系簡約裝修居酒屋吸引，門口有個扭蛋機窗邊仲有多隻招財貓擺設，相當吸睛. 坐低店員先奉上茶及前菜兩碟（牛肉蘿蔔等甜甜地好開胃），青絲漬夠清新. 坐低先啤啤佢，叫左每位$98兩小時啤酒/ 清酒優惠，好抵飲，兩杯已經回本有突. 我哋叫左生啤. #極上刺身三品海膽份量超驚喜，好大份，味道回甘，配上香脆紫菜完美享受. 三文魚油甘魚刺身亦肥美鮮甜. #味醂魚干味醂醃制過的魚干唔腥只剩魚香味，一條條燒得超惹味甜甜地好咬口，送酒一流. #紫蘇豚肉卷三個串燒中我最like. 豚肉肥而不膩配上紫蘇葉，口感味覺清香清新. #厚切牛舌芯牛舌芯爽口彈牙肉質鮮嫩. 外皮焦香燒烤味配上本身肉汁、鹽同胡椒加少少檸檬汁，正！#牛蒡素肉丸串牛蒡素肉丸彈牙. 幾可亂真，唔講都唔知係素. #黑松露帶子反卷帶子好新鮮清甜，黑松露醬味道好出，一濃一清形成對比，而且帶子份量仲大過個反卷，抵. #黑松露芝士燒蠔滿滿香濃芝士配上黑松露醬，味道層次豐富，蠔不算大隻但都脹卜卜肥美. #高湯玉子燒玉子燒得又香又棉滑，蛋汁配上淡淡高湯，可以中和一下之前相對濃味的食物. 如果嫌單調，亦有其他款式玉子燒可選. #唐揚炸
坐低店員先奉上茶及前菜兩碟（牛肉蘿蔔等甜甜地好開胃），青絲漬夠清新. 坐低先啤啤佢，叫左每位$98兩小時啤酒/ 清酒優惠，好抵飲，兩杯已經回本有突. 我哋叫左生啤.
#極上刺身三品
海膽份量超驚喜，好大份，味道回甘，配上香脆紫菜完美享受. 三文魚油甘魚刺身亦肥美鮮甜.
#味醂魚干
味醂醃制過的魚干唔腥只剩魚香味，一條條燒得超惹味甜甜地好咬口，送酒一流.
#紫蘇豚肉卷
三個串燒中我最like. 豚肉肥而不膩配上紫蘇葉，口感味覺清香清新.
#厚切牛舌芯
牛舌芯爽口彈牙肉質鮮嫩. 外皮焦香燒烤味配上本身肉汁、鹽同胡椒加少少檸檬汁，正！
#牛蒡素肉丸串
牛蒡素肉丸彈牙. 幾可亂真，唔講都唔知係素.
#黑松露帶子反卷
帶子好新鮮清甜，黑松露醬味道好出，一濃一清形成對比，而且帶子份量仲大過個反卷，抵.
#黑松露芝士燒蠔
滿滿香濃芝士配上黑松露醬，味道層次豐富，蠔不算大隻但都脹卜卜肥美.
#高湯玉子燒
玉子燒得又香又棉滑，蛋汁配上淡淡高湯，可以中和一下之前相對濃味的食物. 如果嫌單調，亦有其他款式玉子燒可選.
#唐揚炸雞
雞炸得好香脆，偏乾身不過雞肉依然嫰滑.
#月見醬唐楊飯團
飯團焦香可口，配上日本生蛋汁唔會乾，七彩調味令味道同賣相大加分，雖然簡單但大愛. 真係有驚喜.
#薯上白雪綠茶雪糕
熱騰騰香甜蕃薯出曬煙，配上香濃綠茶雪糕球幾特別，食出冰火二重天感覺.
食物選擇豐富，最緊要2 小時任飲，唔洗就住就住，爽.
張貼
