影片
更多
2004-10-27
14 瀏覽
一直聽聞tiffin的甜品buffet點正點正, 又話全港至正, 又話好難book位~~ 咁, 我前幾個月有次突然想食, 但成個星期都full, 拖拖o下, 最終又無試到~上星期六, 抱住好大期望&滿心歡喜, 同老公黎食甜品ｂｕｆｆｅｔ(佢只係前幾日先book位, 都book到, 而且個場---星期六---都係8成滿!~), 但只係"失望"而回!!~ 我本身極之鐘意食甜品&蛋糕, 一直以黎, 食親buffet就只係專攻生蠔, 壽司/魚生同埋甜品(甜品係main course!). 而且我自己又鐘意整甜品&蛋糕, 見到靚靚的甜品就好興奮....無錯, 一去到, 見到滿場擺滿好靚的甜品&蛋糕, 就覺得好開心, 仲同老公講, 如果成日黎食就好喇, 好正呀(睇落)!!~一開始試, 就黎tiramisu (我的favourite) & 紅豆綠茶蛋糕(聽聞係好正, 又係皇牌). 唔, tiramisu無芝士味, 好普通, 我自己整得好食過佢!!~ 紅豆綠茶呢, d人講到咁正, 但我覺得個味好淡, 兼夾竟然無乜紅豆, 我覺得真係一d都唔好食!!!!~~~ 其實我老公唔係咁like甜品, 今次係"陪
上星期六, 抱住好大期望&滿心歡喜, 同老公黎食甜品ｂｕｆｆｅｔ(佢只係前幾日先book位, 都book到, 而且個場---星期六---都係8成滿!~), 但只係"失望"而回!!~
我本身極之鐘意食甜品&蛋糕, 一直以黎, 食親buffet就只係專攻生蠔, 壽司/魚生同埋甜品(甜品係main course!). 而且我自己又鐘意整甜品&蛋糕, 見到靚靚的甜品就好興奮....
無錯, 一去到, 見到滿場擺滿好靚的甜品&蛋糕, 就覺得好開心, 仲同老公講, 如果成日黎食就好喇, 好正呀(睇落)!!~
一開始試, 就黎tiramisu (我的favourite) & 紅豆綠茶蛋糕(聽聞係好正, 又係皇牌). 唔, tiramisu無芝士味, 好普通, 我自己整得好食過佢!!~ 紅豆綠茶呢, d人講到咁正, 但我覺得個味好淡, 兼夾竟然無乜紅豆, 我覺得真係一d都唔好食!!!!~~~
其實我老公唔係咁like甜品, 今次係"陪太子讀書", 佢都係試左d中式甜品&食d生果就算! 我就特別叫佢試個紅豆綠茶啦(因為好多人都講好正喎!~), 佢都話點解無乜紅豆(唔講都唔知有紅豆!), 同埋唔係咁好食, 仲話我整果隻仲好食d添~~
我食完一碟又一碟, 一碟又一碟, 差唔多9成的蛋糕甜品都試過o下----除左中式甜品例如湯圓&糖水等覺得太普通所以無試!~ (淨係記得, 我老公話豆腐花唔夠滑, x仔糕又唔夠煙un, etc)
唔... 食左咁多, 唯一一款覺得幾好味的, 就係"朱古力千層蛋糕", 好正, 我食左2件添!~ 其餘就真係好一般, 有d就甚至難食添~~
我本身係"朱古力怪", "飯可以唔食, 朱古力唔可以唔買"!!~ 果度都有唔少朱古力蛋糕& mousse tart 仔, 不過連我呢個朱古力fans都覺得真係唔好食...... >.< d人又話朱古力噴泉好玩又正, 唔, 味道都ok, 但係我覺得無咩特別, prefer包住生果而"脆脆"的朱古力囉, 呢d一pat野咁, ok啦~
甚至d cookies, 我都唔鐘意... 可能我鐘意美式cookies多d, 所以呢度果d唔岩口味~~
上個月去las vagas, 人地果d甜品就真係"一級捧"喇, 呢度無得比!~~
所以......唉, 失望!!~~~~~ 走果時, 同老公講: 剛剛黎到, 我同你講想成日黎食就好喇, 但依家我唔想再黎食喇!~ >.<
(p.s. d人又話個景正, 唔, 何來有景呀!?~~ 對住個海又望唔清個景~同aqua & 半島果d根本無得比! 咁, 我只可以講, 始終呢度新d, 靚過文華囉~ )
張貼