第一蠔粉麵 (已結業)

之前都想來太子試一試呢間蠔餐廳，但中午嘅時候見到都幾多人排隊，所以就放棄咗。今日係晚餐時間，見到有位可以立即入，當然來試一試啦！餐廳嘅招牌菜全部都有蠔，而且全部都係熟嘅，男女老小都啱食。今次試咗個鴛鴦蠔湯米線，鮮蠔粥同埋香脆蠔餅！米線配嘅鮮蠔算幾新鮮，金蠔有陣陣的香味，整體唔錯👍🏻 鮮蠔粥有新鮮的碎肉，配埋鮮蠔，兩個都鮮甜，係一個唔錯嘅配搭，令個粥感覺又新鮮又健康最值得推介嘅，一定係個香脆蠔餅！即叫即炸好新鮮，炸到好香脆，同入邊鮮甜嘅蠔肉形成咗一個有趣而又配搭嘅對比，配埋甜酸醬食好開胃！雖然係炸出來但係亦都唔會油膩，做到香脆又唔油膩嘅程度，喺香港唔算常見！絕對係嚟到呢間餐廳必食嘅菜式！