普光齋

營業中

休息中

身邊越嚟越多朋友食素。 最近太凍想打下邊爐 ,朋友介紹在一間喺佐敦屹立多年嘅齋舖普光齋， 原來係地晚市做緊半自助火鍋，當然係全素火鍋 。打邊爐比較有睇頭嘅係四個湯底入面其中一個比較特別嘅就係藥膳當歸湯，難為有一男士陪我哋三位女士食當歸湯， 好彩當歸湯唔苦反而好香。全素打邊爐係咁玩法嘅，首先佢會畀一份基本食材籃， 入面有幾嚿豆腐四粒水餃一堆生菜一堆南瓜一堆金菇。 食曬基本菜籃之後就係出去攞一啲新鮮蔬菜及其他傳統齋菜例如酸齋，鹵水齋 ，素叉燒。另外亦都有沙律， 冷盤例如涼拌蓮藕 , 涼拌木耳， 甜品就有蛋散等等。邊爐配料選擇唔多，就算連蔬菜都唔多，菇亦都唔多。雖然我都唔太贊成食肆用過量嘅食材招攬客人引致浪費，但精明嘅香港人如果要用一百四十幾蚊食一餐飯都真係未必會揀譜光齋。希望各齋舖繼續提昇香港素食水準。