二鍋頭 (嘉芙中心)

營業中

休息中

今次同屋企人嚟，已經係二訪，就知道我有幾推介。唔單止近地鐵站，又容易搵，啱哂帶兩老去！隔一排尼，佢哋唔單止係沙田開左新分店，仲開發新菜式！除咗雞煲一如以往咁惹味，我哋仲特別留意佢新出嘅火焰牛尾煲。一上菜，有得睇有得食，而且牛尾好多肉，好林好入味，仲要好多舊，家母讚不絕口！佢哋仲新出左生蠔。根據店員介紹，係老闆每次親身挑選買返嚟！所以唔單止夠新鮮，而且價錢都好相當合理。我哋就帶咗兩隻，果然好新鮮，咸鮮味滿分又冇腥味，正！火鍋湯底都出咗幾款，特別推介全港首間提供養生湯 — 鷓鴣湯！包你翻尋味！我哋就揀左越南牛肉湯底。湯底裏面會有經典越南生牛肉片，真係認真！加埋好新鮮嘅封門柳同埋牛板腱，越煮越入味。我最鍾意佢哋樣樣都新鮮，仲要任食。兩位老人家就好欣賞坐得好闊落好舒服，店員有服務態度好好，好貼心！值得再嚟。