Miss Tira (已結業)

之前Miss tira係荃灣開店,一路都未走去食, 而家連旺角都開左地方仲咁就腳, 襯生日一於同屋企人試兩款味😌 佢每件提拉米蘇都會放落盒仔到,包裝得幾好,而且仲有保冷袋保持溫度冇咁易變壞,呢樣野幾細心! 值得一提佢哋提拉米蘇用咗零卡糖,想食甜品又怕肥嘅我即刻心動🤣🙈提拉米蘇總共約十款味,基本款原味提拉米蘇,抹茶年糕,Oreo,伯爵茶焦糖可可,港式糖水款楊枝甘露,豆乳丸子年糕,草莓海鹽芝士奶蓋,限定款芝麻湯圓等,淨係揀味都要啲時間🤣🌸北海道豆乳丸子年糕夾心 提拉米蘇$58不得不提佢都幾大件, 所以其實都幾抵食😗豆乳味呢一款食起上嚟味道相對較微甜, 提拉米蘇面嘅丸子好煙韌,忌廉亦幾軟滑,忌廉係超級多,所以其實都幾膩🙈驚喜嘅係除咗面頭嘅丸子,蛋糕裡面仲有q 軟嘅年糕🤤🌸草莓配海鹽芝士奶蓋提拉米蘇$58雖然唔係特別鍾意草莓,但因為想食芝士奶蓋揀咗呢個味,估唔到又唔錯bo, 草莓酸酸甜甜嘅味道比豆乳味更夾提拉米蘇,裡面有粒粒草莓果肉,令到成個提拉米蘇口感豐富啲,如果可以再少甜啲仲好﹍﹍﹍﹍﹍﹍﹍﹍﹍﹍﹍﹍📍Miss tira 旺角中心地下G19A號鋪