韓式料理區
多款道地韓國料理，包括傳統韓國漢藥豬手及五花肉、厚切五花腩、煙燻鴨南瓜、白炒韓式血腸、燻三文魚燒、蠔油海鮮炒、醬燒牛肋骨、韓式炸雞、炒年糕、各式炸物、炸醬麵、韓國餃子、韓式三色煎餅、魚糕湯、仲有韓式拉麵機任食!!大推豬手及五花肉，煮得超入味又充滿骨膠元!!
湯品
韓國青口湯、豬骨湯、韓國鮑魚粥、海帶湯、人蔘雞湯，連酥皮濃湯都有!!鮑魚粥超鮮甜，又夠綿密!!
醃海鮮區
有韓國直送醬蟹、醬油蟹、醬油蝦、鮑魚等等，食落都夠新鮮，肉質又夠彈牙!!
熟海鮮區
大大隻蒸韓國紅蟹!!仲有另一款蟹選擇，仲有甜美蒸鮑魚及熟蠔!!紅蟹腳啖啖肉又夠甜!!
刺身區
必試香港罕見韓式刺身!!包括三文魚、真鯛、吞拿魚、比目魚、魷魚絲，仲要加埋韓式辣醬更對味!!一定要試埋生牛肉，加埋水梨超新鮮!!
壽司區
超過50款壽司，仲有幾款即場製作，一定要試海膽大卷!!最特別仲有生牛肉軍艦、醬油蝦軍艦、鱔魚飯!!
飲品
一定要試試新鮮冷壓果汁，仲有各式韓式飲料任飲、多款熱茶、汽水等等。
甜品區
多款韓國品牌雪條，亦有自製雪花冰、軟雪糕、窩夫、杯子蛋糕、冬甩及朱古力噴泉!!
