影片
更多
2025-03-24
885 瀏覽
近年香港的自助餐，競爭的確好大，稍微欠話題性、吸引力或性價比的，隨時得小貓三四隻，場面冷清。不過港島香格里拉的 Cafe Too 就差不多每晚都爆場，無他，單係回本位已經夠大家飽到一個點，更何況價錢更係相當親民。仲有小朋友專屬餐具提供，夠窩心了吧。今次主打日本菜，用“東瀛風味之旅”帶大家用味覺返“鄉下”。講返價錢最實際， 自助餐供應期由即日起至5月10日：星期一至四成人$828/位星期五至日、公眾假期及前夕$888/位（12位或以上可享八折優惠）香格裡拉會會員 星期一至日成人75折會員同行小童半價優惠論到回本位，一定係任食新鮮波士頓龍，仲要有清蒸及蒜蓉蒸兩種口味，源源不絕供應，完全無空窗期，真係好少見。另一個追加回本位就係和牛壽喜燒，用上了飛驒牛的西冷及肉眼部位，肉質嫩滑可口，牛魔王就最開心，而且伴菜煮得勁稔又入味，必食。能夠啖啖肉食松葉蟹肉配蟹籽，係咪好幸福呢？最令人意想不到是吉列和牛，外層微微脆，而咬落非常鬆軟，中間肉質嫣紅，有種fine dining 的質素。海鮮本身已經有清蒸龍蝦，但凍食海鮮陣容依然有水準。有沙白、花蟹、海蝦、青口、麵包蟹、蟹爪、瀨尿蝦及扇貝，前後加埋有10款，
近年香港的自助餐，競爭的確好大，稍微欠話題性、吸引力或性價比的，隨時得小貓三四隻，場面冷清。
不過港島香格里拉的 Cafe Too 就差不多每晚都爆場，無他，單係回本位已經夠大家飽到一個點，更何況價錢更係相當親民。
仲有小朋友專屬餐具提供，夠窩心了吧。今次主打日本菜，用“東瀛風味之旅”帶大家用味覺返“鄉下”。
講返價錢最實際， 自助餐供應期由即日起至5月10日：
星期一至四成人$828/位
星期五至日、公眾假期及前夕$888/位
（12位或以上可享八折優惠）
香格裡拉會會員 星期一至日成人75折會員同行小童半價優惠
論到回本位，一定係任食新鮮波士頓龍，仲要有
清蒸及蒜蓉蒸兩種口味，源源不絕供應，完全無空窗期，真係好少見。
另一個追加回本位就係和牛壽喜燒，用上了飛驒牛的西冷及肉眼部位，肉質嫩滑可口，牛魔王就最開心，而且伴菜煮得勁稔又入味，必食。
能夠啖啖肉食松葉蟹肉配蟹籽，係咪好幸福呢？
最令人意想不到是吉列和牛，外層微微脆，而咬落非常鬆軟，中間肉質嫣紅，有種fine dining 的質素。海鮮
本身已經有清蒸龍蝦，但凍食海鮮陣容依然有水準。
有沙白、花蟹、海蝦、青口、麵包蟹、蟹爪、瀨尿蝦及扇貝，前後加埋有10款，而且解凍好好，沒討厭的雪味，尤其是花蟹及瀨尿蝦肉質清甜，好味。刺身
每晚即切藍鰭金槍魚有齊赤身、中拖羅及大拖羅，吸引度爆燈。
其他刺身有北寄貝、三文魚、甜蝦、吞拿魚同油甘魚，又係解凍處理得好好。熱葷
蟹粥
放係一處毫不顯眼的位置，但有驚喜，粥底開花米，綿滑又鮮甜，蟹汁都溶入粥內。
板栗海參煲既養顏又惹味。
避風塘炒龍蝦辣辣地刺激食慾。
加上清酒煮蜆、意大利雲吞配忌廉汁 、香煎鴨胸蜜糖芥末汁同烤羊架配燒汁，熱葷都好多種類。另外，仲有燒椰菜配水瓜柳牛油汁、三鮮炒芥蘭、蒜香骨、雞油花雕焗海鱸、昆布蒸海鮮以及蝦餃燒賣。
個人就會覺得蒸海鱸帶酒香同好滑。燒味
雖然沒有了一樂燒鵝的加持，但鵝油炒飯依舊有水準，不單有鵝油的臊香，飯粒亦乾身。
又有鹵水蛋及豆腐、豉油雞、燒鵝及叉燒，全是自家製出品，畢竟夏宮是米芝蓮一星，當然是不能小覷。
炸天婦羅即炸的天婦羅，以蔬菜為主，南瓜、薯仔、冬菇及雜菜餅油份都瀝得清。
Carving Station
喜歡食肉的，不妨來一件烤牛肋骨。
串燒至於烤白鱔、鯖魚、雞腎及免治雞肉串，用來送啤酒無得輸。
湯品
燉湯是每天不同，但火喉就真係好足。
其他幾款湯品，中式有粟米豆腐海皇羹同 沙參玉竹百合煲唐排，好有家庭湯水feel。
西湯就只有忌廉甘筍湯，飲落都好甜滑。
Salad
想清清味蕾，可以食下沙律，有魷魚青口沙律、蟹肉沙律、希臘沙律及鷹嘴豆泥。
日式小食餐廳很衛生地把章魚小丸子、鰻魚、茶碗蒸及吉列炸蝦餅擺放在保溫櫃內。
海鮮丼飯玉子豆腐
麵檔
如果想來點澱粉質，大可來碗麵食。
單是菜蔬已經有生菜 、油麥菜、菜心及金菇之類，肉類與丸類有叉燒、墨魚丸、豬肉丸、魚片、牛丸、魷魚、海蝦同青口，配上生麵、粗麵、幼麵、上海麵及瀨粉，又幾豐富。
Cold Cut
有煙三文魚、莎樂美腸及意式豬肉腸。
芝士
有Emmental、Camembert及St. Maure。
Bread
Homemade 麵包有蒜蓉法式麵包、意大利香草和芝士麵包 、迷你法式長棍麵包 、牛油麵包及Laugen。
甜品
Gelato雪糕有Rum酒提子、香草、泰式奶茶、檸檬吉士、焙茶以及哈密瓜，味道都幾特別。
整個甜品區依然保留了‘’低調高手‘’的雞蛋仔同格仔餅，加配雪糕又是另一款食法。
其他甜品有黑糖花生大福 、朱古力撻、抹茶戚風蛋糕、蜜柑寒天、焙茶咖啡泡芙、macaron、抹茶磨薯撻、焙茶蛋糕、焦糖餅乾brownie、朱古力鳥結、烏龍茶士多啤梨卷、柚子士多啤梨蛋糕 、柑橘蛋糕、北海道芝士蛋糕、抹茶黑芝麻蛋糕 以及Baileys Tiramisu。飲品
珍珠奶茶及特飲依然是飲品主力，Fruit Punch、Orange Juice、Bubble Tea都滿有特色。
所以話Cafe Too好爆場實在有佢原因。
張貼
