影片
更多
2025-03-25
69 瀏覽
上次經過西街見到一間西班牙菜小餐館，裝修好有置身喺西班牙嘅感覺，我地都係西班牙嘅忠實fans，二話不說book咗呢個星期二晚放工去chill下～傳統菜式海鮮飯、奄列同埋蒜油蝦係必點之選，我地亦都嗌咗個鱈魚沙律，沙律醬汁好開胃，鱈魚嫩滑富有油香，係一個非常好嘅前菜～店家自己醃製嘅橄欖質素都好唔錯，有唔同大細同深淺色，一小碟已經試到唔同嘅風味～呢度嘅奄列以薯仔同洋蔥做餡，傳統家常配料但做到微流心juicy口感，就算西班牙當地餐廳都唔係間間做到咁高質，勁推介～蒜油蝦我地加咗麵包一齊食，呢個麵包真係一定要嗌，好脆，好似腐皮卷咁一層一層，點個蝦汁係超正！重頭戲西班牙海鮮飯將我地一秒帶返去西班牙，味道係我地喺香港食過最正宗嘅，飯粒啱啱好索晒湯汁，海鮮非常新鮮，而海鮮自帶嘅海水味又融入晒個飯到，好感動🥹🥹🥹食到呢度已經超飽，下次約多啲人一齊食再試埋佢嘅甜品～
傳統菜式海鮮飯、奄列同埋蒜油蝦係必點之選，我地亦都嗌咗個鱈魚沙律，沙律醬汁好開胃，鱈魚嫩滑富有油香，係一個非常好嘅前菜～
店家自己醃製嘅橄欖質素都好唔錯，有唔同大細同深淺色，一小碟已經試到唔同嘅風味～
呢度嘅奄列以薯仔同洋蔥做餡，傳統家常配料但做到微流心juicy口感，就算西班牙當地餐廳都唔係間間做到咁高質，勁推介～
蒜油蝦我地加咗麵包一齊食，呢個麵包真係一定要嗌，好脆，好似腐皮卷咁一層一層，點個蝦汁係超正！
重頭戲西班牙海鮮飯將我地一秒帶返去西班牙，味道係我地喺香港食過最正宗嘅，飯粒啱啱好索晒湯汁，海鮮非常新鮮，而海鮮自帶嘅海水味又融入晒個飯到，好感動🥹🥹🥹
食到呢度已經超飽，下次約多啲人一齊食再試埋佢嘅甜品～
張貼
