Terrace in seaside (又一城)

營業中

休息中

💡全新裝潢的韓式餐廳韓國過江龍餐廳係九龍塘又一城都有新分店，咁啱經過就一於試一試，裝修行簡約路線，配合柑橘主題，有種小清新嘅感覺。🍽️ 韓國螄蚶拌飯 今日試左其中一款新菜式，韓國螄蚶拌飯， 有大量嘅螄蚶，份量同飯各佔一半，絕對冇欺場，米飯粒粒分明，仲配上幾隻大蝦，都相當爽口彈牙，值得一試。🍽️ 水原式牛肋骨醬無骨炸雞 韓國餐廳最出名就當然唔少係韓式炸雞啦，佢嘅炸雞可以分有骨同無骨，仲有唔同嘅口味。今次試咗水原式牛肋骨醬無骨炸雞，做到外面酥脆，內面嫩滑，仲相當熱辣辣，配上惹味嘅水原色牛肋骨醬，一試難忘。隨餐付上薯條同埋沙律。鍾意食唔同口味嘅話，仲可以叫半半炸雞，一次過食兩種口味嘅炸雞。🍽️甜品甜品都係尼間餐廳必叫菜式夢幻雪糕布朗尼：熱呼呼既布朗尼朱古力味香濃，配上凍冰冰嘅雪糕，一凍一熱相當有趣。士多啤梨蜜糖窩夫：窩夫嘅外皮都幾鬆脆，入面亦都軟綿綿，配上酸酸甜甜嘅士多啤梨醬汁，而且仲有四件，好有份量。🍽️特色飲品佢哋嘅飲品都經過精心設計好適合用嚟打卡。濟州柑橘乳酪：柑桔味道同乳酪好夾，酸酸甜甜，相當開胃。抹茶柑橘蜜露冰：淡淡嘅抹茶香，飲落幾清新。Ps. 新店開業，消費滿$300仲會送一頂柑橘帽。