Terrace in seaside (又一城)

營業中

休息中

人氣韓國Café ☕️🍊Terrace in seaside 🍊 呢間成日經過見到侍應戴橙橙帽🍊勁可愛裝修走文青風格，開放式設計座位外但約2點多都唔駛排隊主食沙律甜品飲品都有好鐘意餐廳好有心機改啲食物名雖然個名好長但又幾可愛每款食物都好適合打卡 🍛烏卒卒墨汁八爪魚燉飯 $115調味濃郁creamy非常好味，大大粒八爪魚，連埋菇箘去煮，無得頂，好快清哂😋 🍙迷你紫菜包飯 $36飯卷不錯少少甜味，紅蘿蔔，蛋，酸瓜同青瓜 🥞開唔開心試左先知既開心果蜜糖窩夫 $138窩夫外脆內軟，開心果粒同杏仁粒做伴碟有焦糖粒同抹茶奶凍，配蜜糖忌廉開心果味濃但又唔會好甜，豐富而恰到好處 🥤濟州柑橘乳酪 $68當然唔少得以濟州柑橘為主嘅飲品成個柑橘擺上隻杯到，有少少果粒好難唔打卡啦！ #hongkong #hongkongfoodie #hkfoodie #foodie #hk #food #yummy #hkig #ig #eater #eat #hkeater #photo #delicious #deliciousfood #terraceinseaside

最後一日新年假，諗住同朋友好好享受一下，就去咗又一城食lunch🍴。因為同行有BB👶🏻同孕婦🤰🏻，想搵間舒服啲嘅餐廳，最後揀咗Terrace in Seaside，間Cafe環境都幾chill嘅。好彩我醒目，一早喺OpenRice book咗位，去到唔使等位👍🏻我哋一行4人，叫咗以下呢幾樣：貝殼海鮮燉飯：賣相幾吸引，但啲蜆一食就知唔夠新鮮，有啲失望😕 燉飯嘅味道亦都比較淡，調味可以再重手啲。菠菜鮮蝦蕃茄闊條麵：呢個真係伏咗🤦🏻‍♀️，Pasta煮得太腍，完全冇口感🍝，蕃茄醬汁亦都唔夠濃郁，整體味道好淡。蝦就ok嘅，都算新鮮彈牙🦐。單拼韓式炸雞：炸雞炸得都算脆，不過味道就普普通通，冇咩特別🍗，如果醬汁可以多啲就更好啦。傳統飯卷：中規中矩，不過不失🍙，餡料都算足，但味道冇乜驚喜。整體嚟講，食物真係麻麻哋😐，性價比唔算高。環境就幾舒服嘅，都坐得幾耐😌。如果下次再去又一城，應該會試吓其他餐廳🤔#新年 #新年假 #又一城 #lunch #cafe #terraceinseaside #babyfriendly #親子餐廳 #貝殼海鮮燉飯 #菠菜鮮蝦蕃茄闊條麵 #韓式炸雞 #飯卷 #hkfoodie

晚餐點了3款食物(1)韓油奶油排骨煲(原味)味道不錯，可惜不夠熱，很快凍及汁變傑(2)柑橘無骨炸雞，味道都可以，皮夠脆，可惜又是不熱的(3)醬燒牛肉飯卷，極普通，無特別，下次可以不叫

星期日朝早，諗住慢慢食個 lunch，但換番嚟一肚氣！首先，得2個女職員打牙骹，但接待客人時態度晦氣，唔想做咁樣。成間舖頭一個人都無，竟然叫人坐中間，都唔比人坐去入面 d 卡位，等人地坐得舒服 d！因為一個人食唔哂咁大份餐，所以諗住叫兒童餐，點知個黑面職員話只有兒童先可以落。第一，你地menu 無寫；第二，上次係另一間分店成功叫到，果間分店職員亦無講乜野。我問佢，舖頭有無 minimum charge 吖？佢話無，後尾 d 態度先好番少少。如果嫌食客食得少，咪整個 minimum charge 囉！依家呢個時候仲要懶巴閉，係咪想趕哂 d 食客返大陸？今次好失望，d 牛肉咬唔斷，而炸雞亦唔夠香脆，好失色。同上次去另一間分店，又有景，職員又熱心有禮既態度，真係有天淵之別！

呢間餐廳個門面好多粒橙好搞笑😂下午茶嚟試佢哋嘅窩夫叫咗一個麻糬奶油窩夫😂😂估唔到即係紅豆糯米糍窩夫，本人就麻麻哋紅豆，整體稍為甜咗少少，味道就比較古早，個人覺得個窩夫應該改錯名😂有少少誤導性叫咗個Tiramisu窩夫，呢個就比麻糬奶油窩夫平少少，但係我估唔到係少咗兩格窩夫😂😂但係整體嚟講係好食嘅，cream都有芝士味同埋算係綿密，同埋價錢都算平嘅70幾蚊，比出邊好多西餐廳嘅甜品都化算！

來開又一城睇戲，因為時間尚早，見此間餐廳不太多人，所以入去食晚飯。餐廳裝修簡約設計，都好舒適。坐低即order個 "部隊鍋拉麵" $95 都夠辣，正正常常嘜都有。另外仲要個"韓式燉牛肋骨配飯" $120，牛肋骨燉得好淋好入味。上菜速度都快，沒有試其他甜品，下次有機會試吓 。

一講起香港食韓國野，會俾人貴既感覺。但係依間鋪頭個CP值唔錯，定價正常，但野食唔馬虎。😎而且地方寬躺，每一張檯都可以做到打卡成分，更何況啲食物呢🫢另外，員工服務態度都很友善，值得加分😙

今日嚟開又一城睇車展，順便食個下午茶。之前食過德福嗰間，最鍾意呢度嘅窩夫，今次覺得開心果味窩夫最好食，開心果味濃，而且上面有開心果碎，窩夫又夠熱同脆。-相反芒果味窩夫就麻麻地，芒果有啲酸，而且個窩夫整得太腍。-今次人多仲可以試埋泡菜八爪魚紫菜飯卷，八爪魚都幾彈牙，泡菜味淡淡地唔會好濃。-100%朱古力好重朱古力味，帶有啲苦澀味，可能因為佢用100%濃度朱古力～而蝶豆花乳酪飲品就正正常常，唔算特別。

🐝九龍塘 l 韓式文青cafe 環境幾文青，全部店員都戴住一頂好可愛既小柑橘🍊帽。前菜 free 6/10有兩款: 韓式拌菠菜，韓式泡菜。味道正常，食完可以問店員refill ！韓國獅蚶拌飯 $122 7.5/10巨量獅蚶，獅蚶有少少辣，味道好鮮，份量好足，配有韓式拌飯，食落更似韓式炒飯，粒粒分明，較乾。仲有三隻蝦上面有d炒蛋粒同蔬菜粒，食落似淡味既蝦仁炒蛋，建議要連飯加獅蚶一齊食！總括而然幾好食幾特別！韓油奶油排骨鍋（辣味） $185 8/10個醬汁好好味，鍋裏面有年糕，粉絲，排骨。年糕同粉絲好掛汁，好creamy，排骨有啲唔夠入味，食既時候要沾多啲醬！可以叫少辣。濟州柑橘乳酪 $68 8.5/10好好飲！乳酪質地較薄，清爽，食到有少少柑橘皮，唔苦，咬起上嚟有陣好清香既橘味，推薦！Terrace in seaside (又一城) 九龍塘達之路80號又一城LG2樓LG2-26號舖

睇完依排好受歡迎嘅黑白大廚….一時好想食韓國嘢😋😋😋😋 放工去左九龍塘又一城搵好嘢食🤣🤣🐾正宗水原式牛肋骨醬炸雞（無骨）🍗炸雞的外皮酥脆…. 內部鮮嫩多汁….牛肋骨醬更加為雞肉增添豐富嘅層次感….搭配薯條🍟….非常好食…..🤤🤤🐾香濃肉醬千層麵千層麵片…番茄肉醬交替排列….外層再撒上香濃嘅芝士….焗完之後更加美味….上面仲有幾片雞蛋添😚😚🐾濟州柑桔乳酪酸酸甜甜….非常清新….配埋炸雞一齊享用…係perfect match 🥰

同朋友帶住BB入餐廳食晚餐，一去到就已經同reception講左話要BB椅，之後就安排左我地坐放唔到Bb椅既門口位置，要我地再次提出話要BB椅，個reception態度仲好唔耐煩好唔情願咁帶左我地入去餐廳其他可以放置到Bb椅既枱，好似唔想做我地生意咁，當然之後既態度都唔多好👎🏼P.S：bb全程好乖本身覺得餐廳既野食好味，但態度咁差之後都唔會再幫襯！

好傷心食左吾好食既晚餐🥲🥲我飲嗰杯係芒果沙冰但佢竟然擺咗柚子落去….柚子配芒果加沙冰樣係好吸引但飲落。。。🥲🥲炸物配年糕樣都好似好吸引炸物係好食但個年糕…..同平時出面韓國鋪食嘅年糕完全唔同溝咗大量芝士再配奇怪嘅泡菜味道（btw 本人鍾意食芝士)凍咗就會變成一嚿嚿，我哋食剩咗咁多🥲🥲個炸雞望落好似不錯咁但個粉有啲厚，一凍咗就勁唔好食另外仲有泡菜豬肉配飯都非常吾好食佢哋呢邊嘅泡菜同出面嘅泡菜完全唔同，有啲怪味甘🥲🥲🥲如果想食呢間真係要諗清楚，但如果普通想打吓卡應該可以既….服務還好

8號風球超強颱風摩羯上晝唔洗返工，冒住風雨行落山去又一城搵食，原本想去JS Foodies但冇開，最後去咗對面Terrace in Seaside。都有8成滿，問咗有冇午餐🥣，店員話有就入去。坐咗邊位二人座，睇完menu搵店員落單。叫咗半份蜂蜜🍯有骨炸雞🍗（$128），轉餐加$28有杯$52樓下飲品🍸同是日甜品🍮。揀咗凍latte，是日甜品係1/4士多啤梨🍓窩夫🧇。店員上咗菜同泡菜，個人唔食泡菜，碟菜好好食😋。之後蜂蜜🍯有骨炸雞🍗，好大碟，有6件，熱辣辣，皮脆甜，肉視乎部位而滑，雞翼同雞鎚🍗都滑，有沙律🥗菜同薯條🍟，薯條🍟脆，有沙律🥗醬同茄汁🥫。Latte大杯，奶多，啱我。甜品1/4士多啤梨🍓窩夫後上，暖既，外脆內軟，配埋cream正，可惜我唔好士多啤梨🍓

本人透過OpenRice訂枱 條款完全沒有顯示用餐時間是90分鐘 去到現場才知道 如果早知只有90分鐘我不會訂枱及光顧的11:55入座 12:03有一位男職員 態度差又兇惡地通知 只餘下15分鐘用餐 12:18已被逼結帳及通知要離開 用餐體驗真的十分差 餐廳送的甜品 我們完全沒有時間享用 離開的時候有一半的食物還沒有吃完 現在香港的食肆服務態度 真的很令人卻步 限時用餐的餐廳以後還是不要光顧了 吃得很辛苦 90分鐘根本不足夠 本人連相片也沒有時間拍攝服務態度差 食物水準一般 炸雞不新鮮 味道不算好座位很窄 枱與枱之間距離近 不適合聚會

服務方面嘅話覺得啲侍應對於舖頭點餐好似都比較生疏，算係中規中矩，環境方面算係優美，一開始會送兩個前菜小食，嘢食麻麻哋，但係佢個食物外型係幾好嘅，價錢算係中上，但係配唔上佢嘅質量🥶