悠閒製菓

營業中

休息中

即將轉新老闆，壓力大咗，感覺連生活節奏都急速埋🥲，難得放假忙裏偷閒，希望可以好悠閒咁享受一點點甜，最後網上搵下搵下搵到間 悠閒製菓 HIMAKASHI。悠閒製菓主打全手工製作嘅法式🇫🇷甜品，佢地選用日本🇯🇵及法國🇫🇷進口食材製作，今次Duck哥🦆試咗佢地嘅雜餅拿破崙😋。士多啤梨拿破崙新鮮士多啤🍓梨配上非常滑溜嘅custard cream🥰，口感配搭非常之清新😋。花生朱古力拿破崙吉士醬有香滑花生🥜口感同埋濃濃的朱古力🍫香味，整體味道香濃，但甜而不膩😍。荔枝紅桑子拿破崙由紅桑子🍒配上清新香甜嘅荔枝cream，入口充滿淡淡荔枝香味，口味清新😋。抹茶雲呢拿拿破崙選用咗日本🇯🇵小山園沒抹茶粉同十勝紅豆🫘，配上自家製軟芝士忌廉🧀，茶味濃郁得來又充滿層次感😋。由於全部拿破崙都用上自家製作酥皮，所以份外鬆脆🥰；另外，面頭舖了金箔更顯高貴😍。4️⃣件拿破崙各有特色，有清新，有濃味，共通點係全部都非常好食😋；我地每人各選1️⃣件，好彩今次係同一時間進食，如果唔係一定有人無得食🤣。