巴辣仔烤魚雞煲 (加連威老道) (已結業)

巴辣鮮雞鍋 (半隻+小辣)$158好味指數：9/10松葉蟹棒$45好味指數：9/10油麥菜$30好味指數：9/10大大杯雜果水蜜桃茶$38好味指數：9/10醬油費每位 $15一到冬天又係邊爐🍲雞煲嘅季節，今次嚟咗呢間想試好耐嘅餐廳，試咗個🐓雞煲先。兩個人叫半隻🐔，份量都好多，入邊仲有好多🧅洋蔥🧄蒜頭芫荽配料，我哋今次叫咗🌶小辣，諗住試一試個辣度。雞煲個汁💦整得好好好入味，又有啲麻麻辣辣。雞件好嫩滑，掛晒啲汁。食到咁上下再加湯🫗打邊爐，蟹棒🦀同埋油麥菜🥬份量都比預期多，我哋專登叫啲好掛湯嘅餸料。大家可以留意返個🌶🌶辣度，因為個雞煲雖然叫咗小辣，但後勁都幾凌厲🥵，好彩叫咗雜果水蜜桃茶🍹，抵飲又大杯，味道仲要好濃茶味，又多雜果🍒🍑🍍，到最後都竟然飲得晒。留意返呢度要收醬油費，醬油費係包埋出邊醬料吧仲有生果甜品，西瓜🍉起沙好甜，我最欣賞嗰個🍮桂花糕，因為入邊有好多桂花同埋杞子，甜甜地，非常解膩。總括嚟講呢間味道幾好，同埋有個🤓四眼肥哥哥服務好好，下次可以再嚟。