大興餐廳 (第尾牛扒)

營業中

休息中

今日出開去旺角太子附近買嘢，經過始創中心附近，抬頭見到第尾牛扒嘅綠色招牌，見行到攰又有啲肚餓，於是決定今晚上去鋸扒做晚餐。可能係晚飯時間，上到去已經坐冇虛席，外面仲要有10至8人等緊位。幸好都係等左15mins就可以入座。食得呢間餐廳當然係要叫鐵板餐啦，我地叫左一個什扒餐同一個牛柳餐，味道同份量都十足，唯一美中不足嘅係杯飲品細杯啲，不過埋單唔駛300蚊，兩個人食到好飽，已經值得遲啲再番黎encore。