🍲家鄉炆鴨煲
一上枱就聞到超濃郁薑味！鴨肉炆得軟淋入味，完全冇鴨羶味😍，半隻份量兩個人share啱啱好～醬汁濃稠撈飯真係一流，記得要提前預訂先有得食啊！
🥩招牌手切肥牛
牛肉控必點！肥牛肉味超濃郁，油脂分布均勻，輕輕一淥已經好軟嫩～咬落有口感又唔會韌，果然係鎮店之寶👑
🦑松露墨魚丸
自家手打墨魚丸超彈牙！加入濃郁松露香味，真係食到停唔到口～鍾意松露嘅朋友一定會愛上！
🥟韭菜餃（芫荽拼粟米餃）
每款4隻，脹卜卜，饀料超多～
🍹自家製飲品超養生
▪️竹蔗茅根水清甜滋潤
▪️羅漢果茶清熱下火
兩款都係打邊爐絕配！
▪️檸檬茶勁大杯！
另外仲試咗即食椒鹽九肚魚香口脆身，
蜂巢豆腐外脆內軟，勁索湯汁～
成餐飯食到捧住個肚走，人均$400，性價比超高！已經約定下次再嚟試佢哋其他養生雞煲🐔～
