影片
更多
2013-03-19
441 瀏覽
一向對中菜較奄尖嘅我很難找到一間想食完再返尋味既中菜館, 但今晚搵到喎~ 就係李公館今晚同老公仲有仔仔嚟試新野, 因為聽講呢度好爆, 所以一早就訂左位. 職員好好, 留左張窗邊既台俾我地, 可以安全地擺放BB車. 是晚新推出的冰鎮咕嚕肉, 梗係馬上叫來試試, 真係正! 先講賣相, 雖然d士多啤梨擺得唔太整齊, 不過服務員一拎出來, 旁邊既食客已經望到實, 仲問係咩來嘅. 呵呵呵~ 我梗係先食為快啦~ 先食個咕嚕肉, 我至怕裡面好肥, 半舊肥肉要吐返出來, 但係呢度冇喎! 咬開一半, 肥瘦適中, 只係一層薄薄炸漿包住, 唔會成口粉. 食落口外面凍凍地, 甜甜地, LIKE!! 食完肉就試d冰糖葫蘆式嘅士多啤梨同車厘茄, 正ar! 士多啤梨唔酸, 車厘茄又大又多汁, 加埋冰糖包住, 食完肉食佢一流!小TIPS, 一人一粒一上台快快食會較好味!!椒鹽豆腐. 作為小食一流~ 外脆內滑. 黃金啤梨?! 一見到就掛住食, 忘了叫咩名喇.... 一放上台已經俾佢外型吸引住la, 佢係用墨魚膠包住蟹子沙律, 個條"丁"都
一向對中菜較奄尖嘅我很難找到一間想食完再返尋味既中菜館, 但今晚搵到喎~ 就係李公館
今晚同老公仲有仔仔嚟試新野, 因為聽講呢度好爆, 所以一早就訂左位. 職員好好, 留左張窗邊既台俾我地, 可以安全地擺放BB車.
是晚新推出的冰鎮咕嚕肉, 梗係馬上叫來試試, 真係正! 先講賣相, 雖然d士多啤梨擺得唔太整齊, 不過服務員一拎出來, 旁邊既食客已經望到實, 仲問係咩來嘅. 呵呵呵~
我梗係先食為快啦~ 先食個咕嚕肉, 我至怕裡面好肥, 半舊肥肉要吐返出來, 但係呢度冇喎! 咬開一半, 肥瘦適中, 只係一層薄薄炸漿包住, 唔會成口粉. 食落口外面凍凍地, 甜甜地, LIKE!! 食完肉就試d冰糖葫蘆式嘅士多啤梨同車厘茄, 正ar! 士多啤梨唔酸, 車厘茄又大又多汁, 加埋冰糖包住, 食完肉食佢一流!
小TIPS, 一人一粒一上台快快食會較好味!!
椒鹽豆腐. 作為小食一流~ 外脆內滑.
黃金啤梨?! 一見到就掛住食, 忘了叫咩名喇.... 一放上台已經俾佢外型吸引住la, 佢係用墨魚膠包住蟹子沙律, 個條"丁"都食得架!! 問過原來係金針, 真係扮啤梨扮到入型入格. 墨魚膠彈牙, I LIKE!
翠塘海明珠, 即係有D菜菜la, 面頭有大大粒帶子, 用匙羹一"不"先知下面原本係蒸蛋白, 來個清清地既餸都幾好, 呢個岩哂大人細路老人家食, 蛋白質豐富~ 岩剛剛生完既我ar!
9層塔胡椒蝦, 開頭雀得冇咩特別, 熱騰騰既石頭窩, ok la....食落口原來咁香, 蝦都夠入味. (外面好多地方都只係殼有味...) 欣賞用了乾蔥, 咁就更加香la~
又係新野, 叫疊疊藕餅. 賣相幾得意, 食落肉同蓮藕比例ok, 係大條左d, 女仔可能一條就被KO了 如果有D酸酸地既醬汁點下就更好.整體來講都有意外驚喜, 尤其個冰鎮咕嚕肉, 真係值得推ar!
雖然價錢比第2d中餐貴, 不過一分$一分貨嘛, 下次試埋點心先~
題外話/補充資料：
幾個fd上來食住野傾下計都幾好, 因為唔會有人係咁收你d野, 迫你交台. 同埋d茶都幾香 (加左桂花)
飲住茶, 係暗暗燈光下傾下計都唔錯.
(以上食評乃用戶個人意見 , 並不代表OpenRice之觀點。)
張貼
