Dirty Skillet

營業中

休息中

小朋友考左兩日試，週末帶佢地出去放鬆，系屋企附近揀佐間新開既餐廳，聽講入面充滿童話色彩，順便滿足吓我既少女心🧏🏽‍♀️🥠手切蓋國折腱牛肉番茄湯米通粉，煎蛋，牛角酥：番茄湯酸甜，通粉軟硬度適中入味，牛肉煙韌有嚼頭。牛角酥牛油味香濃起絲酥脆入口松化值得一贊。🥑All Day Breakfast：有炒蛋、煙三文魚、牛油果、車釐茄、薯餅、紐倫堡腸、牛角酥、火腿雜菜沙律，一日所需營養全部有齊，擺盤精緻，色香昧俱全，飽腹感滿滿。震震下梳乎釐奄列：食落口感鬆軟、蛋味超香濃，分量十足，好似食緊雲咁。仲有一個有音樂既旋轉木馬托盤，顏值爆燈，打卡一流。🍹榛果朱古力&香橙百香果茶：朱古力造型好特別系用一個中國式雙喜杯，先飲一啖朱古力濃郁而不甜，然後將cream 同朱古力搞再試口感更加絲滑細膩。另外既果茶：紅茶口感醇厚，加埋新鮮既橙同百香果清新酸甜，冰爽解渴。環境：童話式風格裝修，歐陸風主題，最吸精嘅係餐廳中央嘅旋轉木馬造型設計既餐位啦。另外內飾已經換上聖誕裝飾，有濃濃既節日氣氛。