影片
更多
2017-04-16
324 瀏覽
呢排都好忙 好耐冇好好放鬆一下 同家姐行街買野 行完街之後 就去左充滿香港特色既茶餐廳食野 我地去左永興冰室 聽人講嗰到既野大件夾抵食 我地都想去大食一餐 😆冰室環境寬闊 我地7 點幾去到 係食飯時間 所以入面已經坐滿人 大家都點左店內既招牌菜 咸味多士盒～餐牌有大量美食任君選擇 我地一時間都下唔到決定 每一樣野都想試 😍沙嗲牛肉配出前一丁🍜🐮 $43平時我地都好中意食出前一丁做早餐 呢個沙嗲牛肉麵好有親切感 比起平時食既牛肉麵更更鮮味 牛肉香氣撲鼻 肉質鮮美 食落好嫩好腍 而麵條都好爽口彈牙🍜多士炒蛋 🍞🍳呢個係沙嗲牛肉麵既配餐 塊厚多士🍞烘到金黃色 外脆內軟 一切開脆卜卜既外皮 入面既麵包鬆軟綿密 口感好好 ☺️ 炒蛋亦都好唔錯 好煎到好香 入面仲係滑蛋 岩曬拎黎夾麵包 🍳阿華田 呢個套餐仲包埋熱既阿華田 阿華田味道都算濃 又唔會太甜太膩 可以飲下暖下胃～雲吞米粉 $32雲吞麵一直都係我既至愛 仲記得有一段時間 我每朝都要食雲吞麵做早餐😍 呢碗雲吞米既雲吞大大隻 入面放左好足料既鮮蝦 包你滿意 🦐 米粉都唔錯 配埋生菜同調味料 味道更好 👍🏼咖哩牛坑腩飯 $58咖哩味道十足 佢呢隻咖
冰室環境寬闊 我地7 點幾去到 係食飯時間 所以入面已經坐滿人 大家都點左店內既招牌菜 咸味多士盒～餐牌有大量美食任君選擇 我地一時間都下唔到決定 每一樣野都想試 😍
沙嗲牛肉配出前一丁🍜🐮 $43平時我地都好中意食出前一丁做早餐 呢個沙嗲牛肉麵好有親切感 比起平時食既牛肉麵更更鮮味 牛肉香氣撲鼻 肉質鮮美 食落好嫩好腍 而麵條都好爽口彈牙🍜
多士炒蛋 🍞🍳呢個係沙嗲牛肉麵既配餐 塊厚多士🍞烘到金黃色 外脆內軟 一切開脆卜卜既外皮 入面既麵包鬆軟綿密 口感好好 ☺️ 炒蛋亦都好唔錯 好煎到好香 入面仲係滑蛋 岩曬拎黎夾麵包 🍳
阿華田 呢個套餐仲包埋熱既阿華田 阿華田味道都算濃 又唔會太甜太膩 可以飲下暖下胃～
雲吞米粉 $32雲吞麵一直都係我既至愛 仲記得有一段時間 我每朝都要食雲吞麵做早餐😍 呢碗雲吞米既雲吞大大隻 入面放左好足料既鮮蝦 包你滿意 🦐 米粉都唔錯 配埋生菜同調味料 味道更好 👍🏼
咖哩牛坑腩飯 $58咖哩味道十足 佢呢隻咖哩唔係好辣既印度咖哩 而係比較港式既咖哩 較為香濃 加埋薯仔 令咖哩牛腩帶點甜味～ 個人認為牛腩同牛坑腩既分別 在於口感 牛腩多數係腍啲 但牛坑腩係爽口啲 咬落更有嚼頭🐮 我地都食到津津有味～
干炒牛河 🐮🍜 $50呢到既乾炒牛河同其他食店有好大分別 因為佢地用左獨門秘製嘅醬汁烹調 味道香濃惹味～食落完全唔覺得油膩 河粉軟硬適中 而牛肉更加係鮮嫩juicy 好岩中意食香口食物嘅人品嚐～😛
呢個大合照😍😍 永興冰室上菜好快 我地落左單之後 十分鐘內陸續上菜～ 真係好多野食 我地今晚都食得好盡慶好飽 😋
我地最後又追加左一杯凍檸茶 好清新 可以飲下消下滯～ 🍋☕️ 呢張落單既紙充滿香港茶餐廳既特色同風格 黎呢到食飯 可以感受到昔日香港既飲食文化 ☺️
張貼
