Noc Noc

營業中

休息中

喺大埔附近收工同女朋友上網搵咗間餐廳嚟食，就係呢一間Noc Noc, 同女朋友6:30左右就已經到咗呢度，所以唔係話好多人。餐廳嘅燈光篇暗，適合同朋友單對單撐枱腳同二人世界，可以慢慢傾。我哋叫咗12安士嘅肉眼扒，五成熟，啲拍出嚟嘅擺碟都好精美，另外肉質嘅熟度都啱啱好，食落去唔會太軔，扒嘅肉質都符合嗰個價錢，算係合乎水準啦。然後喺澱粉質方面我哋叫咗一份雜菌意粉，都好大份，我同我女朋友兩個人分有少少食唔晒。味道方面，個意粉嘅硬度我個人認為啱啱好，食得出個意粉唔係就咁落去煮完就算，識落仲有少少蛋呀，而且個醬汁亦都幾好，好有菇味，我個人認為個意粉係水準之上。之後仲叫咗一份雞翼三重奏，雞翼炸得好香脆，配上唔同嘅醬汁，係幾惹味嘅，食落去會好有罪惡感最後仲叫咗兩杯cocktail,意外地沖得好好飲，可能因為佢夜晚會轉做酒吧，所以有返咁上下水準。整體而言，如果想兩個人正整地傾偈享受美食，呢間餐廳係一個幾唔錯嘅選擇。