小曼谷海鮮燒烤屋

營業中

休息中

約咗朋友去九龍城食飯，首選當然係泰國菜，小曼谷海鮮燒烤屋在九龍城係老字號。地方簡潔，擺設充滿泰國格調，主打新鮮海鮮。冬蔭海軍海鮮部隊鍋（小）：辣度揀咗少辣，部隊鍋係季節限定，份量分2人和4-6人，一大盆上枱，材料份量十足，有蝦、青口、帶子、魷魚、扎肉、五花肉、蟹柳、肉碎、蛋黃和麵條，相當豐富，材料新鮮，湯底係冬蔭公，味道濃郁，酸辣鮮美，五味俱全，不油膩，麵條吸收到湯汁，彈牙惹味。泰式干炒豬肉片河：豬肉片爽滑彈牙，醬油香氣四溢，炒得乾身夠火喉，炒得乾身夠火喉，非常香濃惹味！正宗泰國風味串燒，做得非常出色，沙嗲醬汁好惹味，雞全翼皮脆肉嫩、豬肉、雞肉有口感。