成都老碼頭火鍋 (已結業)

突然間好掛住之前去四川食嘅麻辣火鍋，跟住即刻OpenRice睇吓附近有啲咩麻辣火鍋可以食😇😇又俾我搵到老碼頭火鍋🍲，見大家都讚不絕口，就試試佢🤤🤤🤤本身入到去望住Menu，食物嘅價錢都唔算話太平，諗住慢慢睇吓食之際，職員行過嚟嘅話9:30入坐有68折，OMG 😍😍😍已經雙眼發亮，好想乜都叫瘋狂叫😝😝😝😝首先第一時間揀咗佢個湯底先-鴛鴦鍋 $188成都風味小辣+豬骨湯底超級濃郁香濃嘅辣味仲帶有少少麻香，用嚟食下鵝腸，鴨血，牛柏葉，係一流💃🏻💃🏻💃🏻重點係越食越香，辣味都越食越出💦豬骨湯用嚟食下菜同埋水餃唔錯呀🥰覺得個湯底特別香，原來加咗蝦米🦐唔怪得同平時食嘅豬骨湯有少少唔一樣❤推介老友鬼鬼（墨魚滑）$58油炸鬼上面加啲墨魚滑同埋新鮮蟹子👍🏻桂花蚌$82 好爽脆，新鮮日本🇯🇵A4 牛頸脊$218油脂分布非常平均，可以話係入口即溶，一定要放喺麻辣鍋度食🤜🏻🤛🏻台灣水蓮菜$48份量唔少，而且全部都新鮮手工西洋菜餃$39獨家餃子🥟好入味，外皮好薄溫馨提示，去食可以約多幾個朋友一齊去，叫多啲唔同種類嘅食物，一定個個都好讚👍🏻👍🏻👍🏻