堅離地冰室

營業中

休息中

店名叫做堅尼地冰室，但係店舖裏面嘅食物價錢一啲都唔離地 。今次叫咗一個燒雞，同埋一個鐵板雜扒兩個人叫咗兩個菜，冇諗過份量咁大份最後食唔晒。價錢每樣嚟講百零蚊真係好抵食，以前係堅尼地城食嘢嘅時候覺得坐低入到餐廳食嘅時候都會覺得要洗好多錢好貴，冇諗過呢個價錢可以有咁大份嘢食，簡直係物超所值 。重點係呢一個份量嘅嘢食，呢個價錢嘅嘢食仲要係幾好食。首先就係燒雞，燒雞一啲都唔乾身或者唔柴，脆皮得來隻雞好多汁，非常之推介 。至於鐵板雜扒，淨係塊豬扒食完已經覺得好飽，因為個份量好大份，食呢個豬扒一定要配佢本身俾你嗰個汁 ，完全可以昇華到 。除咗嘢食覺得正，另外一種味道係唔係咁容易食到，嗰種就係叫做人情味，店舖裏面嘅侍應非常之有禮貌貼心，而且仲要係對住啲老街坊，非常之好，呢一種小店真係喺香港小之極少 。