霸嗎拉麵 (屯門市廣場1期)

營業中

休息中

為咗迎合香港熱辣辣嘅天氣，霸嗎拉麵推出咗最新款嘅檸檬清爽系拉麵。貪新鮮嘅我梗係要放工約埋啲friend去試下啦！今次嘅主打有酸辣檸檬同檸檬原味拉麵，我自己係食辣嘅弱雞就揀咗原味檸檬拉麵。檸檬炙燒雞叉燒拉麵 93湯底用咗濃厚嘅雞湯加咗瀨戶內海嘅檸檬汁，湯上面有三大片檸檬，望落都感覺好清爽好fresh。飲落真係好正，鹹味同檸檬嘅酸味balance得好好，一啲都唔油膩，飲落酸酸地咁真係好上癮。炙燒雞叉燒勁厚啖啖肉，炙燒外皮有陣焦香。配菜都係d好夾嘅清爽系蔬菜，成碗感覺好fresh 又飽肚0負擔。辛辣炙燒豚肉味玉拉麵 98另外朋友係重口味星人，就叫左佢嘅至愛元袓豚骨拉麵，唔好睇佢紅卜卜以為好辣，其實食落同10小辣差唔多，有辣味得來又唔會食到流鼻水咁好辛苦。另外炙燒豚肉太厚又燒得好焦香，糖心蛋又太好食。炙燒厚切叉燒 58因為叉燒實在太出色，忍唔住要再encore。單叫炙燒厚切叉燒的話，佢仲會配上味噌醬，唔洗單吃甘dry。