MONMONO (已結業)

呢度既午餐本身就有3set，而且每一set都仲可以簡唔同既主菜，好特別呀！我簡呢個set既頭盤係刁草檸香醃三文魚，三文魚係煙三文魚，味道鹹香，口感柔嫩，而且充滿檸檬同埋刁草嘅香味，比較清新！🫣主菜分別同朋友食子薑菠蘿車厘茄長通粉同埋德國黑啤慢煮走地三黃雞。子薑菠蘿車厘茄長通粉成個味道都係酸酸甜甜，亦都有子薑帶出嚟嘅辣味，長通粉好掛汁，汁香味濃；德國黑啤慢煮走地三黃雞用嘅係原隻嘅走地三黃雞，三黃雞特別肥美，雞味特別濃郁，用慢煮嘅方法保持到雞肉嘅鮮嫩，配上德國黑啤同埋其他醬汁，雞肉嘅味道更加突出！🥸小食就加佐炸薯條配黑松露醬，一個細嘅但係份量已經好多，薯條即叫即炸，新鮮熱辣，又唔會太油，點黑松露醬真係好香！😏