影片
更多
2025-05-18
55 瀏覽
今晚同朋友係元朗YOHO行街，行到攰攰地，突然想搵間Cafe坐低食d野。見到呢間Cafe環境幾舒服，燈光柔和，就決定入去試下。冇諗到，一試就發現左寶藏！ .麻辣蜆肉炒意大利粉 $108呢個意粉真係好有驚喜！條條意粉都沾滿左麻辣醬汁，辣度岩岩好，吾會太刺激，但係夠晒惹味。意粉炒得濕潤，完全冇乾爭爭既感覺，仲有陣陣蒜香，越食越開胃。最正係d蜆肉，份量多之餘仲好鮮甜，同麻辣味出奇地夾，食到停吾到口！ .慢煮雞胸香草麵包三文治配薯條 $88三文治既麵包超級鬆軟，咬落去有彈性，一d都吾會硬。雞胸肉慢煮得岩岩好，超級嫩滑，完全冇鞋口既感覺，加埋香草醬，味道好清新。薯條炸到金黃色，外脆內軟，灑左少少辣粉，食落更加香口，忍吾住一條接一條！ .Mocha $42+$6加$6就可以轉成大大杯，超抵！Mocha既拉花仲要係Winnie the Pooh，好精緻好可愛，真係靚到吾捨得飲。不過飲落都冇令人失望，咖啡同朱古力既比例岩岩好，香濃得黎又吾會太甜，打卡同享受兩不誤！
今晚同朋友係元朗YOHO行街，行到攰攰地，突然想搵間Cafe坐低食d野。見到呢間Cafe環境幾舒服，燈光柔和，就決定入去試下。冇諗到，一試就發現左寶藏！
.
麻辣蜆肉炒意大利粉 $108
呢個意粉真係好有驚喜！條條意粉都沾滿左麻辣醬汁，辣度岩岩好，吾會太刺激，但係夠晒惹味。意粉炒得濕潤，完全冇乾爭爭既感覺，仲有陣陣蒜香，越食越開胃。最正係d蜆肉，份量多之餘仲好鮮甜，同麻辣味出奇地夾，食到停吾到口！
.
慢煮雞胸香草麵包三文治配薯條 $88
三文治既麵包超級鬆軟，咬落去有彈性，一d都吾會硬。雞胸肉慢煮得岩岩好，超級嫩滑，完全冇鞋口既感覺，加埋香草醬，味道好清新。薯條炸到金黃色，外脆內軟，灑左少少辣粉，食落更加香口，忍吾住一條接一條！
.
Mocha $42+$6
加$6就可以轉成大大杯，超抵！Mocha既拉花仲要係Winnie the Pooh，好精緻好可愛，真係靚到吾捨得飲。不過飲落都冇令人失望，咖啡同朱古力既比例岩岩好，香濃得黎又吾會太甜，打卡同享受兩不誤！
張貼
