影片
更多
2020-08-31
614 瀏覽
本來都唔打算寫食評但真係想讚下呢到既服務。因為要慶祝生日再加上堂食延長到9點，我同男朋友想食好d，上網睇到呢間d蠔好似好大隻所以決定黎試下。原本我地book左夜晚6點但因為未肚餓所以想改6點半，老闆睇過時間ok之後都比我地遲少少入座。可能因為疫情關係，客人唔算多，坐得都幾鬆動，而且食野之前都有遞上每人一條獨立包裝好既濕毛巾，整體感覺唔錯。因為我地之前都冇係蠔吧食過生蠔，所以睇住個menu都唔識揀，我地就請老闆幫手揀左半打比我地試。嗌完餐之後老闆就放低左每人一個小食，係Parma Ham包住支餅乾棒，小食係要收錢既但難得慶祝生日我地都照食左。生蠔黎到睇到果然係有差唔多三份之二手掌咁大隻，老闆重提醒我地邊隻淡邊隻濃，要從淡食到濃。食落去都算乾淨冇沙但食到好細粒蠔殼，不過都接受到。本來我地都加左檸檬汁落去食但食哂之後發現唔加可能會更好食，可能味道更突出到，個人比較鐘意食M字頭淡少少果隻，食哂幾隻之後feel到成口都有好大陣蠔味可以回味下。之後我地嗌左一個dinner set但係冇影到相，係南瓜忌廉湯、一串燒牛舌同龍蝦汁大蝦意粉，重有甜品。餐廳細心在知道我地淨係嗌左一個set，將個湯分左兩碗上
因為要慶祝生日再加上堂食延長到9點，我同男朋友想食好d，上網睇到呢間d蠔好似好大隻所以決定黎試下。原本我地book左夜晚6點但因為未肚餓所以想改6點半，老闆睇過時間ok之後都比我地遲少少入座。可能因為疫情關係，客人唔算多，坐得都幾鬆動，而且食野之前都有遞上每人一條獨立包裝好既濕毛巾，整體感覺唔錯。
因為我地之前都冇係蠔吧食過生蠔，所以睇住個menu都唔識揀，我地就請老闆幫手揀左半打比我地試。嗌完餐之後老闆就放低左每人一個小食，係Parma Ham包住支餅乾棒，小食係要收錢既但難得慶祝生日我地都照食左。
生蠔
$338
40 瀏覽
0 讚好
0 留言
生蠔黎到睇到果然係有差唔多三份之二手掌咁大隻，老闆重提醒我地邊隻淡邊隻濃，要從淡食到濃。食落去都算乾淨冇沙但食到好細粒蠔殼，不過都接受到。本來我地都加左檸檬汁落去食但食哂之後發現唔加可能會更好食，可能味道更突出到，個人比較鐘意食M字頭淡少少果隻，食哂幾隻之後feel到成口都有好大陣蠔味可以回味下。
之後我地嗌左一個dinner set但係冇影到相，係南瓜忌廉湯、一串燒牛舌同龍蝦汁大蝦意粉，重有甜品。餐廳細心在知道我地淨係嗌左一個set，將個湯分左兩碗上，讓我地兩個都飲到，亦每人配一塊細多士。牛舌係厚切並用蒜蓉燒，好香同唔韌。意粉唔算大碟，但我地食左生蠔又唔太餓所以都夠食。意粉配上4隻大蝦，夠爽口大隻，個汁亦夠濃味，好味道。
提子冧酒雪呢拿雪糕
26 瀏覽
0 讚好
0 留言
最後等我地食完先上甜品，甜品係提子冧酒配雲呢拿雪糕。另一個細心位係我係openrice訂枱時見到有得揀“生日”做聚餐主題，因為少用openrice訂枱，本來我都冇期望餐廳會留意到，點知上甜品既時候老闆附上一句生日快樂先知原來真係會睇，唔只男朋友連我都被驚喜了。
整體感覺幾好，重點係食完生蠔冇肚屙，有機會會再黎試其他款式既生蠔。
張貼
