熊本牛鍋 (世宙商場)

營業中

休息中

星期六晚同老婆及仔仔出去食飯，揀咗喺屋企附近的熊本牛鍋。食物方面，日式雞煲夠香而唔辣，雞肉亦唔會好“鞋”，有好幾件都係啖啖肉。火鍋方面，我地揀咗$308的澳洲和牛套餐，當中可以order幾款的牛肉，試過幾款牛肉的質素都算唔錯，起碼唔會好韌，而且各款都有啲特點，無需只單一食澳洲和牛。其他的火鍋配料選擇都算豐富，當中尤其以水餃，雲吞等相信係現場即做，食落真係唔同。飲品的選擇相信應該可以滿足大部分人。雪糕好味，不過因為已經食到好飽，所以只係勉強食到2個雪糕球。整體滿意，職員雖然大家都好忙，但整體的服務亦算快捷及有禮。我同老婆對無限時呢方面無特別意見，因為我地帶埋仔仔通常都係大約2個鐘就食完走人 (好似今次8點坐低，10點埋單)。