龍鳳店

營業中

休息中

呢間龍鳳店一向係元朗街坊入邊都好出名，有啲人會特登入去元朗食😍 佢最出名嘅就係佢嘅蛋治，店舖亦都自稱佢為瀑布蛋治！各款蛋治尤如其名，一座山咁嘅炒蛋鋪係多士同埋餡料上邊，真正要用刀叉食嘅蛋治！今次就揀咗最出名嘅瀑布鰻魚蛋治，首先最底層係一塊多士，鋪上香香嘅鰻魚，最後就係大量有如瀑布嘅炒蛋！真係要用刀叉先可以食到。至於味道方面就好香蛋味，鰻魚味都好突出😍飲品方面呢度有樽仔奶茶，味道方面都有幾款。有無糖少糖原味！ 仲有伯爵奶茶添！我叫咗啲伯爵奶茶，奶茶好滑，伯爵茶味同埋奶味混合得剛剛好！