五花肥瘦均勻唔會油膩，加埋牛油、甜粟米同韓式辣醬撈勻，香氣撲鼻～ 最驚喜係食到底嘅金黃飯焦，脆卜卜吸晒醬汁精華，口感層次直接拉滿！
韓式辣炒泡菜豬五花拌飯酸辣開胃，泡菜爽脆、豬五花入味；
墨爾本爆炒牛舌飯必試，牛舌薄厚適中，炒得爽脆彈牙唔韌，醬香十足。
小食重點推蜜味韓式豬大腸，處理得好乾淨無腥氣，仲帶住淡淡煙熏味，蜜香同煙熏味融合得剛剛好，肥而不膩超惹味！
蜜炒雞軟骨鹹甜多汁，有嚼勁唔費牙。
飲品揀凍頂烏龍茶就岩晒，清香回甘解膩一流，配重口味拌飯絕配～ 食材新鮮、風味正宗，性價比超高，元朗街坊真係有口福，食完即刻想二刷！
韓奶奶拌飯
元朗鳳攸南街3號好順景大廈1座地下3號舖
