韓奶奶拌飯

天氣開始轉涼，正值秋冬天，收工最想食d熱辣辣既野暖下胃。今日去元朗覓食，經過呢間「韓奶奶拌飯」，見到佢主打韓國人氣大熱新派拌飯，即刻比佢吸引左！😍 聽講佢地最正既係每一碗飯都係用韓國高壓釜飯機獨立製成，即叫即煮，保證熱氣騰騰。對於中意食飯焦既我黎講，聽到食到最尾有飯焦香，真係完全無抵抗力，一於入去叫個釜飯食下先！🍚🔥.坐低即刻叫左個「大醬茄子豆腐拌飯」($68)。一上枱，個石鍋熱到滋滋聲，真係夠曬熱辣辣！🍆 裡面有燒茄子、滑豆腐，配埋惹味既大醬汁、芝麻、蔥同粟米，最邪惡係加左牛油，撈勻之後每一啖都充滿油香同醬香。隨Set仲有四款韓式涼拌菜做伴碟，加埋碗韓式海帶湯，成個餐好豐富，口感層次分明，食素既朋友都岩食！😋.朋友就叫左個「蒜蓉牛油雞扒拌飯」($68)。呢個絕對係重口味人士既最愛！🍗 塊炸雞扒炸得外脆內嫩，上面鋪滿左炸蒜蓉，香氣撲鼻。配料同樣有粟米粒、蔥同牛油，撈埋d飯一齊食，蒜香同牛油香係口入面爆發，真係好滿足。同樣地，呢個Set都係包埋個四款涼拌菜同海帶湯，份量十足，男仔食都一定夠飽。💪.小食方面，見到有「香煎韓式韭菜餅」($28) 就叫左份黎些牙。佢係迷你款黎既，煎到邊位脆卜卜，咬落去韭菜味好香，細細塊容易入口，吾會覺得太油膩，過下口癮岩岩好。🥞.另外仲叫左份「炸韓式紫菜卷」($28)。外層炸粉吾會太厚，咬落去超級酥脆，裡面既粉絲好彈牙，點埋個醬汁食，真係好似去左韓國街頭食小食咁，風味十足！.最後，食左咁多重口味野，當然要叫番杯野飲解下膩。我地叫左罐Zero同埋一支韓式Zero菠蘿汁。🍍 菠蘿汁酸酸甜甜好清新，最重要係Zero無糖，飲多兩啖都吾會有罪惡感，爽呀！🥤…查看更多

經過雞地，見到依間拌飯都幾多人食一於試下先！🧡煙三文魚拌飯配醬油漬飛魚子三文魚煙燻味好香，唔會過鹹飯粒分明，撈埋鹹鮮嘅飛魚子同蛋絲一啖放入口，層次好豐富🧡韓式秘製醬牛肉拌飯牛肉煮得好淋，肥瘦適中秘製醬汁甜甜地撈勻啲飯蛋絲粟米味道好夾！而且飯底仲少少焦香🧡蜜炒雞軟骨食落香口惹味味道偏甜，咬落爽口送酒一流🧡炸韓式紫菜卷外皮炸到脆卜卜入面係粉絲外脆內軟咁🧡0卡菠蘿味汽水見到有0卡汽水梗係試下清新冰爽估唔到菠蘿味都幾自然唔假甜…查看更多

今日想食韓國嘢，所以去咗元朗雞地食韓式拌飯 。一行三個人叫咗個蒜蓉牛油雞扒飯，牛油溶化再配雞扒超正。芝士辣炒魷魚飯，辣度好強🌶️仲𠕇係店員推介，話係老闆喺外國讀書帶回特別的味道「墨爾本爆炒牛舌飯」。每個飯都好似食到有飯焦👍🏻食韓國嘢一定要叫炸雞，韓式炸雞配黑松露醬及自家蒜蓉芝士醬，非常好食，我最鍾意呢個。韓式韭菜餅及花甲奶油蔬菜豆腐湯，個湯都好鮮味，又濃郁，正。總共食咗$378。勁抵食👍🏻
…查看更多

元朗呢間韓式拌飯真係愈食愈上頭！招牌五花豬拌飯份量超有誠意五花肥瘦均勻唔會油膩，加埋牛油、甜粟米同韓式辣醬撈勻，香氣撲鼻～ 最驚喜係食到底嘅金黃飯焦，脆卜卜吸晒醬汁精華，口感層次直接拉滿！韓式辣炒泡菜豬五花拌飯酸辣開胃，泡菜爽脆、豬五花入味；墨爾本爆炒牛舌飯必試，牛舌薄厚適中，炒得爽脆彈牙唔韌，醬香十足。小食重點推蜜味韓式豬大腸，處理得好乾淨無腥氣，仲帶住淡淡煙熏味，蜜香同煙熏味融合得剛剛好，肥而不膩超惹味！蜜炒雞軟骨鹹甜多汁，有嚼勁唔費牙。飲品揀凍頂烏龍茶就岩晒，清香回甘解膩一流，配重口味拌飯絕配～ 食材新鮮、風味正宗，性價比超高，元朗街坊真係有口福，食完即刻想二刷！ 韓奶奶拌飯 元朗鳳攸南街3號好順景大廈1座地下3號舖…查看更多

[✨元朗韓奶奶拌飯 ]#元朗 #韓奶奶拌飯🔸韓式辣炒泡菜豬五花拌飯 $98辣度剛好開胃！泡菜炒得香口又夠入味，豬五花肥瘦均勻，每一口都油香四溢，拌入白飯後超下飯～配菜份量多，性價比高！🔸特級牛頸脊拌飯 $128牛頸脊油香味十足，肉汁滿滿食到停唔到口。拌飯後每粒米都染滿肉香，連紫菜碎都好香口，滿分！🔸自家制韓式炸雞 $28外皮炸得超脆口，內裡嫩滑多汁，正正。🔸蜜炒雞軟骨 $28蜜糖包裹均勻，軟骨彈牙好惹味，唔錯嘅一份小食。————————♡♡♡♡♡♡————————✨總結小店雖然唔算大，不過環境乾淨舒適，店員好親切食物份量又okay，兩個人兩份拌飯加兩款小食都食到超飽，強烈推介給愛韓食嘅你地！📍韓奶奶拌飯🏠元朗鳳攸南街3號好順景大廈1座地下3號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #元朗 #元朗美食 #元朗好去處 #元朗食好西 #元朗餐廳 @Mrs.Han.potrice…查看更多

最近好似見到好多KOL對奶奶拌飯的食評，吹捧到幾好食咁天氣涼涼地終於有機會嚟試吓。當日下午三點左右嚟到，只有兩三枱客。見佢價錢都唔平，平均$80+起跳，本來睇咗食評係想試個蒜蓉雞扒拌飯，嚟到見到佢有新品泡菜五花腩，本人比較鍾意食泡菜就先試一下新品。可惜五花腩唔算多，泡菜無乜味。唔能夠話難食，但絕對唔係好食。唔會再食仲叫咗個咩秘製泡菜餃子，嚟到唔熱，食咗一啖已經無再食。叫咗一個飯一個餃子（2隻）加一罐汽水$10（韓國瘦版）一共$120。結論：好一般，可以不試…查看更多

元朗出名多小店，依間都幾有特色，係韓國嘅拌飯，用左韓國高壓釜飯機煮成，即叫即煮，熱辣辣仲整到飯焦，好新穎！首先叫左特級牛頸脊拌飯，牛頸脊煮完口感都仲肥嫩同有彈性，之後就撈埋要粟米、葱、蛋黃、芝麻同牛油就食得，飯嘅味道濃郁又豐富！鐘意濃味仲可以加個牛肉醬汁仲試左秘制牛油蒜容雞扒拌飯，甜甜地夾埋炸蒜蓉好香，雞扒係炸過，好香脆，飯焦都甜甜地好出色飯餐仲包個湯、魚糕同前菜小食叫左韭菜餅，薄薄地又脆口，幾香！仲叫左個炸薯條，都係即炸出黎，又係好香口好脆飲品就包埋韓式茶、果汁呀咁今餐性價比都高，而且真係好少機會食到！…查看更多

元朗韓式拌飯專門店用韓國高壓窩加速煮成飯焦好正！冇講笑每款拌飯有附韓式小菜和海帶湯韓式小食都好抵食$30樓下就有特級牛頸脊拌飯 $118一口牛頸脊容易入口唔會膩肉質唔錯幾軟腍加埋流心蛋和照燒汁一搞拌勻食更夾鍾意飯焦既唔會即刻搞等一陣再搞就有香口飯焦芝士辣炒魷魚拌飯 $78面層鋪滿芝士芝士多到拉絲拉唔完超邪惡！！魷魚都好多塊，比足料好大塊呢款微辣味道好惹味自家制韓式炸雞 $28/3件每件都大大件，皮好脆又唔算厚啖啖雞肉好滿足韓式韭菜餅配秘製醬汁 $28/3片煎得勁香口，厚薄適中配埋韓式飲品好有韓國家庭式餐廳feel…查看更多

上星期去左元朗探個朋友原來元朗都幾多野食鳳攸南街仲要幾多韓國餐廳於是入左去食舖頭唔算好大，但坐得幾舒服坐低無耐就叫咗兩個拌飯一個泡菜五花腩，一個特級牛頸脊泡菜五花腩個賣相好吸引泡菜紅卜卜，五花腩肥瘦適中撈勻之後每啖飯都有泡菜嘅酸辣同五花腩嘅香口食落好開胃朋友個牛頸脊拌飯仲正牛頸脊粒燒得啱啱好，照燒汁甜甜哋加埋隻流心蛋、粟米同牛油，撈埋一齊食真係好滿足牛肉唔會韌，仲有少少焦香，值得一讚。小食方面叫咗蜜炒雞軟骨同蜜味韓式豬大腸雞軟骨炒得香口，蜜糖味唔會太甜咬落脆卜卜，送酒一流豬大腸就驚喜啲，外面脆裡面嫩蜜糖味同韓式辣醬好夾，食完唔會覺得膩食飽飽再飲雨前龍井茶解吓膩, 好滿足…查看更多

元朗真係好多特式小店,今日朋友帶我去咗韓奶奶拌飯，地方乾淨光猛，坐得幾舒服👍🏻食咗墨爾本爆炒牛舌飯，辣味版本炒得夠鑊氣!牛舌片切得薄身，爽口得嚟唔韌，配合香蔥同紅綠辣椒一齊炒，辣度適中好開胃，灑上芝麻更加香口🫰🏻特級牛頸脊拌飯都唔錯，牛頸脊粒煎過，肉質軟淋帶油香，加上粟米、芝麻同流心雞蛋，撈埋照燒汁燒一齊食，味道豐富又滿足🥰小食叫咗自家製韓式炸雞，揀咗蒜蓉芝士醬，炸雞外脆內嫩，蒜蓉芝士醬鹹香惹味，好快就清晒😋蜜味韓式豬大腸燒得香口，蜜糖甜味同豬大腸嘅油香好夾，值得推介🥰呢間小店嘅韓式料理有心思，味道出色，價錢又唔貴，真係會再食😊…查看更多

韓奶奶拌飯位於元朗出晒名嘅食街，主打不同口味韓式拌飯，今次專登同老公去試試🇰🇷餐牌見到好多唔同款式口味嘅拌飯選擇，而且小食性價比好高，好多detail位都睇得出小店有落心機🙆🏻‍♀️釜飯以韓國高壓鍋加速煮成，每窩飯獨立即叫即煮，每一份都熱辣辣🔥🔸燒芝士韓式辣炒魷魚拌飯店家新出品！拌飯用上濃郁韓式醬汁，帶特有甜辣味道；魷魚鮮嫩有彈性，再將兩種芝士鋪滿表面，加上粟米同牛油，烤過後散發奶香，同辣炒魷魚係絕配！店員建議將全部配料拌勻食，每一啖都有豐富口感😍每個拌飯附上泡菜、前菜及海帶湯，order一個拌飯已經有齊整頓豐富晚餐🔸特級牛頸脊拌飯餐廳招牌之一！牛頸脊肉質軟嫩保留肉汁，份量一啲都唔吝嗇🥰表面仲放上一隻生蛋黃，亦有香蔥、粟米、牛油及芝麻等配料；店員介紹可隨喜好加入另上嘅特製醬汁，然後全部拌勻，蛋黃幼滑口感更能提升肉香🔸自家製韓式炸雞 配蒜蓉芝士醬炸雞外皮酥脆但唔怕油膩，裡面既雞肉嫩滑多汁，好惹味。最欣賞嘅係蒜蓉芝士醬由店家自家調製，蒜香濃郁芝士醬滑順濃厚，完全成為整個小食嘅亮點！🔸香煎韓式韭菜餅配特製醬汁** $28已經食到韭菜餅，性價比超高🤩 韭菜餅煎至微脆，韭菜、蘿蔔等蔬菜同麵糊比例恰到好處，唔會有膩感😌特製醬汁鹹香帶有淡淡酸味，幾開胃🔸凍頂烏龍茶 / 雨前龍井茶兩款罐裝茶都冇添加糖；回甘香氣正好配搭味道濃郁嘅拌飯…查看更多

今晚同個朋友去左元朗Yoho 行街，行完街落左雞地覓食，食肆林地超多選擇，最後揀左性價比較吸引既韓奶奶拌飯，舖頭旣釜飯以韓國高壓窩加速煮成，每窩飯獨立即叫即煮‼️🫶🏻芝士辣炒魷魚拌飯$78魷魚好彈牙，辣度適中，芝士拉絲濃潤，啱晒鍾意辣又愛芝士嘅人，飯粒吸足醬汁，整體香辣又有滿足感🫶🏻秘製鵝肝煎蛋拌飯$138鵝肝質感細膩，味道濃郁帶點油香，配煎蛋+醬汁，拌飯入口滑順，飯香加倍超奢華🫶🏻自家制韓式炸雞（黑松露醬）$28/3件雞皮炸得酥脆，肉質嫩滑多汁，炸雞上有黑松露，再點松露醬後添香氣更濃郁卻不油膩🫶🏻蜜味韓式豬大腸$28蜜味既豬大腸口感帶有彈性，味道豐富唔會太膩…查看更多

平時見到呢間嘢好多人排隊，今日路過就入去試吓叫咗個墨西哥牛舌飯，個牛舌飯好似白恰完嘅牛舌，就咁擺喺啲白飯面咁，又冇汁又冇味，求其切咗啲辣椒碎喺面，就叫做墨西哥，只能夠講同墨西哥一啲關係都冇，仲有半兜白飯係黐住咗喺個碗度，食完都唔飽，完全諗唔明點解會有咁多人排隊，可能都係marketing做得好，識得包裝，但係啲嘢食真心好鬼難食，淨係我今年食過最難食嘅嘢，唔知講咩好因為OpenRice要寫夠200個字，所以加多幾句如果要我補充多一句嘅話就係，佢上菜都好鬼慢要成15分鐘先有得食，總括嚟講極度不推薦。…查看更多

這家韓食館的拌飯系列堪稱視覺與味覺的雙重盛宴！特級牛頸脊拌飯選用油花均勻的牛頸脊，肉片經秘製醬汁醃漬後嫩滑多汁，與溫泉蛋液交融時彷彿在石鍋裡跳起華爾滋，每一勺都飽含炙烤香氣。灸燒厚切鰻魚版本則充滿東瀛風情，兩指寬的鰻魚表皮焦脆如琥珀，肉質綿密滲出照燒蜜香，搭配紫蘇絲與醃蘿蔔完美解膩。最驚豔當屬創新吃法——將現炸薯餅蘸取雪花芝士乳酪醬，金黃外衣裹著冰火交融的醬汁，鹹甜奶香在舌尖炸裂！三款拌飯皆鋪滿七色時蔬，韓國紫菜碎與辣醬畫龍點睛。若說傳統拌飯是家常樂章，這桌創新組合便是味覺交響詩，連鍋巴都脆得令人忍不住敲勺輕唱。…查看更多

初初開嗰時好好食牛油又香 頸脊又瘦 菇又特別又好食依家加咗價 我叫番同一個飯舊牛油少咗一半 融咗簡直好似冇存在過頸脊肥咗 有幾粒係近乎冇肉 得啲肥/筋位唔再俾菇 變晒罐頭粟米我專登問店員 係咪以後都冇菇佢話係 以後都係粟米食呢兜野 我不如食pepper lunch? 平一半…查看更多